Traktordan… motosikl

  • 29 oktyabr 2016, 14:13
  • 6 174
  • Avto
  • Traktordan… motosikl

    Ko‘p narsadan motosikl yasaganlar bor: yog‘ochdan, simdan, loydan va hokazo. Ammo ularning ko‘pchiligi suvenir bo‘lib, harakatlanmasligi turgan gap. Ammo traktorning qismlaridan yasalgan motosikl kishini hayratga soladi. Qolaversa, unga o‘tirib haydash mumkin. Bir oz xunukroq bo‘lsa nima qilibdi, qizlar chiqmasa chiqmas

    Ushbu traktosiklni AQShning Ohayo shtatida istiqomat qiluvchi Larri Medvig ismli traktorchi yasadi. U traktorini qattiq yaxshi ko‘rardi, shuning uchun 5 yil davomida zanglagan detallaridan dehqoncha Tractor Bike yasadi va traktorning ikkinchi umrini boshlab berdi.

    Larri qo‘lbola motosiklini birovga ko‘z-ko‘zlamasdan va shoularga olib bormasdan, shunchaki, minib yurdi. 2010 yilda motosiklga Endi Rupertu ismli blogerning nazari tushib qolgani sababli Hit and Miss shousida namoyish etildi.

    Bloger Larridan intervyu oldi. Shunda Larri motosikl bir necha xil mashinaning qismlaridan yasalganligini oshkor qildi. Dvigatel stasionar, transmissiyasi Crosley avtomobilidan, g‘ildiraklari David Bradley Tractor motokultivatoridan, dizayn elementlari esa Farmall Cub eski traktoridan o‘zlashtirilgan.

    Tractor Bikeni haydash g‘oyatda noqulay. Xuddi o‘zingizni g‘ildirakli stol ustida ketayotgandek his qilasiz. Ammo ustasiga qoyil qolmay iloji yo‘q.

    Siz ham eski texnikadan yangi transport yasay olasizmi? Juda soz, bu haqda bizga xabar bering.

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » Traktordan… motosikl