Sergeli tumani hokimi Nozim Husanov shu yerda joylashgan avtomobil bozorini Toshkent tashqarisiga ko‘chirishni istamasligini tan oldi. Bu haqda «Gazeta.uz» xabar bermoqda.
Oldinroq poytaxtdagi barcha yirik ulgurji bozorlarni shahar chetiga ko‘chirish konsepsiyasi ishlab chiqilgan edi. «Sergeli» avtomobil bozori Toshkent viloyatining Yuqorichirchiq tumaniga ko‘chirilishi rejalashtirilgan, ammo, hokimning matbuot anjumanida ma’lum qilishicha, bu variant hozir ham ko‘rib chiqilmoqda.
«Bozor juda katta hududni egallaydi — 24 gektar. Buning uchun xuddi shunaqa hududni topish, obodonlashtirish, so‘ng tadbirkorlarimizni ko‘chirish lozim», — dedi u.
Nozim Husanov avtobozorni Sergeli tumanida qoldirib, uni boshqa yerga ko‘chirish niyatini bildirdi:
«Transport oqimiga xalaqit bermasligi uchun. Kichik halqa yo‘li bo‘ylab Toshkent viloyati bilan chegaradosh mana shunday hududlar bor».
Hokimning so‘zlariga qaraganda, avtobozor tuman byudjetiga yiliga 11 milliard so‘m keltiradi.
«Bu tushumni yo‘qotishni istamagan bo‘lardim. Hozir biz bozorni tumanda qoldirib, ayni paytda u aholiga xalaqit bermasligini ta’minlash borasida takliflarni o‘rganmoqdamiz», — ta’kidladi Nozim Husanov.
Sergeli tumani 5600 gektar yerni egallaydi, bu hududdagi 39 mahallada 207,1 ming kishi istiqomat qiladi.
“Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
HAMAS yetakchisi: Isroil Rafahga kirsa, Falastin xalqi oq bayroqni ko‘tarmaydi
Sariqmi yoki yashil: qaysi turdagi banan foydaliroq?
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Germaniyada maktab o‘quvchilari ommaviy ravishda islom dinini qabul qilmoqda
Toshkentda 02 kodli avtoraqamlar taxminan qachon paydo bo‘lishi aytildi
Rossiya dunyodagi birinchi vodorod yoqilg‘ili avtomobilni taqdim etdi
Qaysi kundalik odatlar immunitet pasayishiga olib kelishini bilasizmi?
Eron prezidenti jiddiy bayonot berdi: «Isroildan hech narsa qolmaydi»
