Avtomobillar ishlab chiqarish hajmi oshdi, avtobus va yuk mashinalari pasaydi

  • 11 iyun 2018, 18:00
  • 3 342
  • Avto
  • Avtomobillar ishlab chiqarish hajmi oshdi, avtobus va yuk mashinalari pasaydi
    2018 yilning yanvar-may oylarida ishlab chiqaradigan sanoat korxonalari tomonidan ishlab chiqarilgan mahsulotlar hajmi 55,8 trln. so‘mni va o‘tgan yilga nisbatan 107,0% o‘sish sur’atini tashkil etdi. Bu haqda Davlat statistika qo‘mitasi xabar bermoqda.

    Ishlab chiqaradigan sanoat tarkibida yuqori texnologiyali tarmog‘ining ulushi 1,2%ni (2017 yil yanvar- may oylarida - 1,8%), o‘rta-yuqori texnologiyali - 28,1% (20,4%), o‘rta-quyi texnologiyali - 31,6% (26,8%) va quyi texnologiyali - 39,1% (51,0%) tashkil etdi.

    O‘z navbatida, ishlab chiqaradigan sanoatda o‘tgan yilning mos davriga nisbatan traktor ishlab chiqarish 5,3 martaga, akril va vinil polimerlari asosidagi bo‘yoqlar va laklar – 41,9%ga, avtomobil dvigatellari 33,0%ga, yengil avtomobillar (ixtisoslashtirilganlarsiz) – 22,4%ga, dizel yoqilg‘isi – 24,8%ga, o‘simlik yog‘i (tozalangan) – 9,6%ga, avtomobil benzini – 0,6%ga va paxta tolasi – 1,9%ga oshgan.

    Shu bilan birga, avtobuslar, yuk avtomobillari, portlandsement va tamaki mahsulotlari ishlab chiqarish hajmining o‘tgan yilning mos davriga nisbatan pasaygan.

    Фикрлар

    » » Avtomobillar ishlab chiqarish hajmi oshdi, avtobus va yuk mashinalari pasaydi