Eng tez zanglab ketadigan avtomobillarni bilasizmi? (foto)

Novate jurnali o‘z maqolasida avval boshqarilgan hamda eng tez zanglaydigan oltita avtomobil haqida ma’lumot berdi.

Jurnal versiyasiga ko‘ra, eng tez zanglaydigan avtomobilga «Volga» aylandi. «Volga» korpusi yomon sifatli metalldan qilingan, shuning uchun avtomobil bir necha yillardan keyin zanglab ketadi. Buni qarangki 2000 yillar bu avtomobilga talab katta edi.

Ikkinchi o‘rinda – 2007-2014 yillarda ishlab chiqarilgan Ford Mondeo. Uzoq vaqt sovuq ob-havo kuzatiluvchi va yo‘llarga tuz sepiladigan mintaqalarda avtomobil kuzovi juda tez yomon holatga kelib qoladi.

Uchinchi o‘rin 1998-2004 yillarda chiqarilgan Opel Astra tegishli.Avtomobil egasi avtomobilga to‘g‘ri qaramasa, unda u bir necha yil davomida zanglab ketadi.

Jurnal UAZ Patriot’ni to‘rtinchi o‘ringa loyiq topdi. Avtomobil korroziyaga qarshi yaxshi qoplama bilan maqtana olmaydi, shu sababdan uning kuzovi juda qisqa vaqt ichida zang bilan qoplanadi.

Beshinchi o‘rinni, Novate talqiniga ko‘ra, 1995-2006 yillarda ishlab chiqarilgan Nissan Almera egalladi. Yuqori ishonchliligiga qaramasdan, avtomobil eshiklar, kapot qopqoqlari va bagajnikda tez zang paydo bo‘lishi bilan ajralib turadi. Ba’zi hollarda, bagajnikning ustki qismi 2-3 yilda butunlay chirib ketgan.

So‘nggi o‘rinda Mazda 6 (2002-2012 yillar) qayd etildi. Jurnalning yozishicha, ushbu avtomobilning birinchi avloddagi mashinalari zangga qarshi juda yomon himoyaga ega. Agar haydovchi muammoga e’tibor bermasa va chora ko‘rmasa, unda avtomobil kuzovi bir necha yil ichida chirib ketishi mumkin.

“Zamin” yangiliklarini “Facebook”da kuzatib boring