GM Uzbekistan kompaniyasi xaridorlarga avtomobillarni «Uzavtosavdo» mobil ilovasi orqali onlayn rejimda xarid qilish mumkinligini eslatdi va tamagirlik holatlari haqida xabar berishni so‘radi.
«Hurmatli xaridorlar!
Agarda Siz avtomobil xaridi jarayonida tovlamachilik va boshqa korrupsion harakatlarga, xususan u yoki bu modeldagi avtomobil uchun shartnomaning yo‘qligi, yetkazib berilish muddati uzoqligi kabi vajlar bilan avtomobillar xarid qilish chog‘ida qo‘shimcha pul mablag‘larini talab qilish holatlariga duch kelsangiz «GM Uzbekistan» komaniyasining ishonch telefonlari 78 141-77-77 yoxud O‘zbekiston Bosh prokuraturasining 10-07 qisqa raqamlariga murojaat qilishingizni so‘rab qolamiz.
Kompaniya bu kabi salbiy holatlarning oldini olish, avtomobillar savdosida shaffoflikni ta’minlash maqsadida «Uzavtosavdo» mobil ilovasini ishga tushirgan.
Mazkur ilova orqali xaridorga navbat raqami va dilerdagi avtomobillar soni haqida ma’lumotlar beriladi. Agar unga zarur bo‘lgan avtomashina dilerda yo‘q bo‘lsa, buyurtma to‘g‘ridan-to‘g‘ri avtomobil zavodiga yuboriladi. «Uzavtosavdo» ilovasi xaridorga barcha jarayonlarni boshidanoq nazorat qilish, o‘z navbati va avtomobilni olish sanasini bilib borish imkonini yaratmoqda.
OGOH BO‘LING! Yuqorida qayd etilgan korrupsion holatlar haqida bizni xabardor qilsangiz hamda sizning murojaatingiz o‘z tasdig‘ini topsa, siz nafaqat muammoni bartaraf etasiz, balki kompaniya tomonidan moddiy rag‘batlantirilasiz. Shaxsingiz sir saqlanishi kafolatlanadi. Faqatgina korrupsion va tamagirlik holatlari bo‘yicha +998 90 799 1991 raqamiga murojaat qiling.
Yoqimli xarid va a’lo kayfiyat tilaymiz!», deyiladi kompaniya xabarida. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Nebenzya G‘arbning BMT Xavfsizlik Kengashidagi nutqini ikkiyuzlamachilik paradi deb atadi
“Tolibon” Eronning Isroilga qarshi hujumini qo‘llab-quvvatladi
Eronning Isroilga hujumi shunchaki spektakl edimi?..
Davlat xavfsizlik xizmati maklerlarga qo‘shib mansabdorlarni ham qo‘lga oldi
Mojarodan so‘ng Ukrainani nima kutayotgani ma’lum bo‘ldi
Buxoro viloyatida «Neksiya-3» avtomashinasi buklanib qoldi
«Real Madrid» ustozi Karlo Anchelotti kechagi g‘alabadan so‘ng nimalar dedi?
Xose Venansio Lopes: "Maqsadimiz – Osiyo chempionligini qo‘lga kiritish"