09:04 / 20.10.2016
8 200

Respublikamiz bo‘ylab “Koreya kinosi kunlari” o‘tkazilmoqda

Respublikamiz bo‘ylab “Koreya kinosi kunlari” o‘tkazilmoqda

Shu kunlarda Toshkent shahri va Samarqand, Buxoro viloyatlarida Koreya Respublikasining mamlakatimizdagi elchixonasi ko‘magida “Koreya festivali-2016” madaniy tadbiri o‘tkazilmoqda. Mazkur festival doirasida Toshkentda 17 oktyabr kuni “Koreya kinosi kunlari”ga rasman start berildi.

Bu haqda xabar qilgan Koreya Respublikasining O‘zbekistondagi elchisi Kvon Yon U o‘z nutqining boshini O‘zbekiston Respublikasining Birinchi Prezidenti Islom Karimov xotirasiga atalgan hamdardlik so‘zlari bilan boshladi. Elchi mazkur festival O‘zbekistonda yashovchi barcha millat vakillarini Koreya madaniyati bilan tanishishi uchun imkoniyat yaratishini ta’kidladi.

Samarqand shahrida “Koreya kinosi kunlari” 18 oktyabrda ochilgan bo‘lsa, Buxoroda 19 oktyabrda ochilishi mo‘ljallangan.

“Koreya kinosi kunlari” Toshkent shahridagi “Yoshlar ijod saroyi”da 20 oktyabrgacha, Samarqanddagi “Sharq yulduzi” kinoteatrida 21 oktyabrgacha va Buxoroning musiqa drama teatrida 22 oktyabrga qadar davom etadi.

“Koreya festivali” davomida Koreya milliy musiqa va raqs konserti, Koreya milliy o‘yinlari, rasmlar tanlovi va shu kabi qator qiziqarli madaniy tadbirlar o‘tkazilishi rejalashtirilgan.

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Madaniyat » Respublikamiz bo‘ylab “Koreya kinosi kunlari” o‘tkazilmoqda