19:46 / 14.11.2016
9 313

«O‘zbeknavo»: Hazillari me’yordan oshib ketgani uchun «Million»ning lisenziyasi olib qo‘yilgan edi. Ular o‘z aybini tushunib etdi

«O‘zbeknavo»: Hazillari me’yordan oshib ketgani uchun «Million»ning lisenziyasi olib qo‘yilgan edi. Ular o‘z aybini tushunib etdi

«Million» qiziqchilar jamoasi lisenziyasi 2014 yil sentyabrida to‘xtatilgan edi. 2016 yil sentyabrida esa jamoa «O‘zbeknavo»dan lisenziyasini qaytarib olgani ma’lum bo‘ldi va ular yangi konsert dasturini taqdim etdi.

Jurnalist Feruz Muhammad «O‘zbeknavo» estrada birlashmasining maxsus ruxsatnoma (lisenziya) beruvchi tashkiliy boshqarmasi boshlig‘i Odiljon Abduqahhorov bilan suhbatlashib, «Million»ning lisenziyasi o‘shanda nega olib qo‘yilganiga aniqlik kiritdi.

«‘Million’ qiziqchilar jamoasining lisenziyasi uch yilcha avval olib qo‘yilgani, yaqinda esa qaytarib berilganidan ko‘pchilik xabardor bo‘lsa kerak. Askiya, hazil-mutoyibaning o‘ziga yarasha qonun-qoidalari bor. Ularning hazillarida me’yordan oshib ketgan holatlar bo‘lgani uchun, jamoa lisenziyadan mahrum etilgan edi», — deydi Odiljon Abduqahhorov.

«Oradan salkam uch yil o‘tib, ular o‘z aybini tushunib etdi. Yaqinda ularning lisenziyasi qaytarildi, jamoa o‘zining navbatdagi konsertini taqdim etdi. Bu galgi konsertda hazillar milliy mentalitetimizdan kelib chiqqan holda sahnalashtirildi. Tomoshabinlar bu hazillarni, sahna ko‘rinishlarini yaxshi kutib oldi, deb o‘ylayman», — deya qo‘shimcha qildi «O‘zbeknavo» vakili.

Dasturlash foundation


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Madaniyat » «O‘zbeknavo»: Hazillari me’yordan oshib ketgani uchun «Million»ning lisenziyasi olib qo‘yilgan edi. Ular o‘z aybini tushunib etdi