Jastin Biberning onasi o’g’li va Selena Gomesning shaxsiy munosabatlari haqida o’z fikrini bildirdi

  • Madaniyat
  • 9-12-2017, 20:01
  • 789
  • Жастин Бибернинг онаси ўғли ва Селена Гомеснинг шахсий муносабатлари ҳақида ўз фикрини билдирди
    Xonanda Selena Gomes 3 yillik ayriliqdan so’ng Jastin Biber bilan shaxsiy munosabatlarini qayta tikladi va shu kunlarda Jastinning onasi bilan uchrashishni rejalashtirmoqda. Xabarda aytilishicha, Jastinning onasi Patritsiya juftlik munosabatlari qayta tiklanishining asosiy tarafdorlaridan biri bo’lgan.

    Patritsiya Selenani yana oila a’zolari davrasida ko’rishdan xursand ekanligi, Jastin va Selena munosabatlari esa haqiqiy muhabbatni vaqt bilan yo’qotib bo’lmasligining yaqqol namunasi ekanligini aytib o’tgan.

    Jastin va Selena ayrilishga qaror qilganda ham Patritsiya xonanda bilan o’zaro aloqalarini saqlab qolgan va vaqti-vaqti bilan unga qo’ng’iroq qilib, xabarlashib turgan. Bundan tashqari, Biberning volidasi o’g’li Selena bilan yarashib olgandan keyin ulg’aygani, e’tiborli, mehribon va baxtli insonga aylanganidan xursandligini yashirmayapti.