Internetni “ustoz” bilganlar

  • Madaniyat
  • 17-03-2018, 20:21
  • 785
  • Интернетни “устоз” билганлар
    Savollari chalkashib qolar,
    Javoblarni dalilsiz olar,
    Qalbingizga g‘ulg‘ula solar
    Internetni “ustoz” bilganlar.

    Tokchalarda chang bosdi kitob,
    Foyda bermas ming qilsang xitob,
    Jamiyatda ayladi shitob
    Internetni “ustoz” bilganlar.

    Fatvolarning isboti yo‘qdir,
    Yuragingga qadalgan o‘qdir,
    Haq o‘rniga sarobga to‘qdir
    Internetni “ustoz” bilganlar.

    Bir savolga ming bitta javob,
    Xatolar ko‘p, to‘g‘risi kamyob,
    Anglab bo‘lmas gunohmi, savob
    Internetni “ustoz” bilganlar.

    Ustozini bilmaydi ular,
    Hurmatini qilmaydi ular,
    Joylaridan jilmaydi ular
    Internetni “ustoz” bilganlar.

    Olimlarning boshlari sarak,
    Bu nimadan bermoqda darak?
    Manbalarga qaytmoqlik kerak,
    Internetni “ustoz” bilganlar!

    O‘zbekiston – tinchlik diyori,
    Barkamollik – xalqim shiori,
    Har narsaning bordir me’yori,
    Internetni “ustoz” bilganlar!
    Erkin QUDRATOV,
    Mir Arab o‘rta maxsus Islom
    bilim yurti mudarrisi.

    Manba: Azon.uz

    » » Internetni “ustoz” bilganlar
    Яндекс.Метрика