«Miss Osiyo-2018» go‘zallik tanlovida yurtdoshimiz Shohsana Atkamova mutlaq g‘olib bo‘ldi

Ushbu tanlovda hammasi bo‘lib 12 nomzod ishtirok etdi. Tanlov talabi shunday ediki, qizlar g‘olib bo‘lish uchun moda olamidagi qobiliyatini, ijodiy salohiyatini namoyish etishi lozim edi. Shohsana defile — modani atroflicha namoyish etish shartini a’lo darajada ado etdi. Ijodiy shart bo‘yicha Maykl Jekson stilidagi raqsi hay’at a’zolarini hayratga soldi. Shunday qilib, Shohsana keyingi «Miss Osiyo-Rossiya-2018» go‘zallik tanloviga yo‘llanmani qo‘lga kiritdi.

Shohsana Vladivostok universiteti Psixologiya fakultetining uchinchi kursida ta’lim olmoqda. Talabalar pedagogik otryadining faol ishtirokchisi. Biz ham yurtdosh qizimizni ajoyib g‘alaba bilan chin ko‘ngildan muborakbod etib qolamiz. “Zamin” yangiliklarini “Odnoklassniki”da kuzatib boring