AQShning Charlston shahrida (Janubiy Karolina shtati) 6 mart kuni okean tubida 150 yildan ko‘proq vaqt yotgan vino solingan idishdagi ichimlikning mazasi tatib ko‘rildi.
Bu vino idishi 4 yil avval 1864 yilda Bermud orollari sohillari yaqinida okean tubiga g‘arq bo‘lgan Mary Celestia kemasidan topilgandi.
Idishda dastavval qanday vino bo‘lganini mutaxassislar aniqlashga qiynalishdi. Biroq, ularning aytishicha, hozirda uning ichida bo‘lgan sarg‘ish-kulrang xira tortgan suyuqlikning mazasi sho‘r suv, benzin va sirka mazasini eslatib yuboradi. Ammo unda sitrus mevalar hamda spirt mazasi ham biroz sezilib turgani aytilmoqda.
Charlstondagi pazandalik festivalida ushbu vino mazasi ta’tib ko‘rildi va bu jarayonni bir necha o‘nlab kishilar kuzatishdi.
“Men avval ham cho‘kib ketgan kemalardan topilgan vinolarni ta’tib ko‘rganman. Ba’zida ularni iste’mol qilsa bo‘ladi. Biroq bu gal emas”, deb aytdi bu tadbirdi ishtirok etgan degustatorlardan biri.
AQShda Fuqarolik urushi (1861-1865 y) avj olgan paytda Konfederasiya armiyasi uchun yuk olib ketayotgan Mary Celestia kemasi marjonqoyalarga urilib, 6 daqiqa o‘tib cho‘kib ketgan. Kema qoldiqlari 151 yildan beri Atlantika okeani tubida yotibdi. Bir necha yil oldin g‘avvoslar kemadan bir nechta vino solingan idishlarni, shu jumladan, 6 mart kuni ochilgan vino idishi, atir solingan idishchalar, bir necha juft ayollar poyabzali, taroq va marvarid tugmalarni olib chiqishgan edi.
Manba: www.kun.uz “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Erdo‘g‘on: «Isroil Gitlerdan ham o‘tib ketdi»
«Real Madrid» ustozi Karlo Anchelotti kechagi g‘alabadan so‘ng nimalar dedi?
O‘zbekistonda zilzilaga tayyorgarlik kuchaytiriladi
Biznes imkoniyatingizni kengaytiring
AQSH razvedkasi: Ukraina 2024 yil oxirigacha urushda yutqazishi mumkin
Qondagi shakar miqdorini tartibga soluvchi foydali meva nomi aytildi
Xotirani yaxshilashning juda oddiy usuli topildi
Qozog‘istonlik milliarderlar suv toshqinidan zarar ko‘rgan hududlarga mablag‘ ajratdi