Yaqinda Rossiya va Armaniston qurolli kuchlarning birlashgan guruhini yaratishga kelishib oldilar, bunga ko‘ra Armanistonda "Iskander" raketa majmualari joylashtiriladi. Quyida Rossiyaning MDH davlatlari hududida joylashgan va bu davlatlarning xavfsizligini mustahkamlovchi 7 ta harbiy bazasi va boshqa muhim armiya ob’ektlari haqida qisqacha ma’lumot berilgan, deyiladi "Kun" nashrida.
Armaniston
Armanistonning Gyumri shahrida Rossiyaning 5 ming kishilik 102-harbiy bazasi joylashgan. Bu baza S-300 zenit raketa majmualari va MiG-29 samolyotlari bilan jihozlangan bo‘lib, 1995 yilda yaratilgan va 49 yillik muddatga tuzilgan davlatlararo kelishuvga ko‘ra MDH havo hujumiga qarshi birlashgan mudofaa tizimi doirasida harbiy navbatchilik olib boradi. Bu kelishuvga ko‘ra Rossiyadan baza uchun haq olinmaydi.
Belarus
Belarusda Gansevichi aholi punkti yaqinida "Volga" radiolokasion stansiyasi faoliyat yuritadi. U raketa hujumi haqida ogohlantiruvchi tizim tarkibiga kiradi. 2003 yil 1 oktyabrda harbiy navbatchilikka qo‘yilgan stansiya shimoli-g‘arbiy yo‘nalishda uchirilgan qit’alararo ballistik raketalarning uchirilishini kuzatishga imkon beradi. Stansiya uchun ajratilgan er Rossiyaga 2020 yilgacha foydalanish uchun berilgan.
Tojikiston
Tojikiston hududida Rossiyaning 201-harbiy bazasi joylashgan, u 201-motoo‘qchi diviziya negizida 2004 yildan 2005 yilgacha bir yil davomida yaratilgan. Baza tarkibiga Tojikistonning uchta shahrida joylashgan bir qator qism va bo‘linmalar hamda Lyaur, Momirak, Sambuli poligonlari kiradi. Bazada xizmat o‘tayotgan harbiylar soni 7,5 ming kishini tashkil qiladi.
Qirg‘iziston
2012 yilda Moskva va Bishkek o‘rtasida Qirg‘izistonda Rossiyaning birlashgan harbiy bazasini yaratish haqida kelishuv tuzilgan. Bu baza aviasion baza, kemalarga qarshi torpedo qurolini sinovdan o‘tkazish bazasi va Rossiya harbiy-dengiz flotining "Marevo" aloqa uzelini o‘z ichiga oladi. Aloqa uzeli Rossiya harbiy-dengiz flotining bosh shtabi va harbiy navbatchilikdagi suv osti kemalari o‘rtasidagi aloqani ta’minlaydi.
Qozog‘iston
Qozog‘iston hududida Rossiyaning 5-davlat sinov kosmodromi (Boyqo‘ng‘ir tarkibiga kiradi), transport aviasiyasining alohida polki (Qo‘stanay), alohida radiotexnik uzel, Sari-Shag‘an havo hujumiga va raketalar hujumiga qarshi mudofaa strategik vositalari poligoni joylashgan.
Abxaziya
2009 yildan Abxaziyada Rossiya qurolli kuchlarining 4 ming kishilik 7-birlashgan harbiy bazasi joylashgan. Uning tarkibiga Gudauti tumanidagi Bombora harbiy aerodromi, Ochamchiradagi poligon va portning bir qismi, Kodor darasi va Ingur GESi yaqinidagi Rossiya-Abxaziya harbiy garnizonlari kiradi.
Pridnestrove
2015 yil may holatiga ko‘ra, Pridnestroveda Rossiyaning 412 harbiydan iborat tinchlikparvar kuchlari bataloni va Kolbasna qishlog‘idagi o‘q-dorilar omborini qo‘riqlash uchun 1,5 ming askardan iborat 13692-harbiy qismning 2 ta bataloni joylashgan bo‘lgan. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
O‘zbekistonda zilzilaga tayyorgarlik kuchaytiriladi
«Real Madrid» ustozi Karlo Anchelotti kechagi g‘alabadan so‘ng nimalar dedi?
Erdo‘g‘on: «Isroil Gitlerdan ham o‘tib ketdi»
AQSH razvedkasi: Ukraina 2024 yil oxirigacha urushda yutqazishi mumkin
Qondagi shakar miqdorini tartibga soluvchi foydali meva nomi aytildi
Xotirani yaxshilashning juda oddiy usuli topildi
Qozog‘istonlik milliarderlar suv toshqinidan zarar ko‘rgan hududlarga mablag‘ ajratdi
Biznes imkoniyatingizni kengaytiring
