Xitoylik yo‘l quruvchilar tobutga solingan mo‘miyoga duch kelishdi

  • 26 noyabr 2016, 14:32
  • 7 620
  • Dunyo
  • Xitoylik yo‘l quruvchilar tobutga solingan mo‘miyoga duch kelishdi

    Xitoyning Taychjou shahridagi avtomobil yo‘llardan birini kengaytirish maqsadida qazish ishlarini olib borayotgan yo‘l quruvchilari tobutni eslatuvchi tosh qutiga duch kelishdi, deb xabar berdi “Darakchi” nashri.

    Bu tosh tobutning yoshi shaharning yoshidan ham katta ekanligini avvaliga quruvchilar anglashmadi. Tobut batamom kavlab olingandan keyin qo‘shimcha yordam kerakligi tufayli arxeologlarga murojaat etishdi. Tosh tobut ochilganda, avvaliga uning ichida mato va tushunarsiz suyuqlik bordek tuyuldi. Sinchliklab razm solib, tekshirilganda u erda inson jasadi – mo‘miyo yotganligi ma’lum bo‘ldi.

    Arxeologlar mo‘miyo bundan 700 yil ilgari ayol bo‘lganligini, qabrdan topilgan zargarlik buyumlari va jasad o‘ralgan matoga qarab, ayolning Min sulolasiga tegishli ekanligi aniqlashdi.

    Nafaqat ayolning tanasi, balki uning ustidagi kiyimlari ham oradan etti asr o‘tganiga qaramay, yaxshi saqlangan. Diqqat bilan qaralsa, ayolning yuz tuzilishini ham aniq ko‘rish mumkin.

    Aksariyat odamlar Xitoyning AQShdan ko‘ra yoshi ulug‘ligini unutib qo‘yishadi. Uning tarixi ming yilliklarga borib taqaladi. Bunday voqealarni Xitoyda ko‘plab uchratish mumkin.

    Tasavvur qilib ko‘ring, har doim mashinangiz turadigan joydan 2000 yoshli mo‘miyo topilib tursa! Bunaqasini boshqa joyda uchratish qiyin...

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » Xitoylik yo‘l quruvchilar tobutga solingan mo‘miyoga duch kelishdi