Peterburg terakti tashkilotchisi sifatida qo‘lga olingan Abror Azimov sud zalida aytib o‘tdiki, u o‘ziga qo‘yilayotgan asosiy ayblovni rad etadi.
«Hibsga olinishimga qarshi emasman. Portlashga aloqadorligim haqida esa tan olganim yo‘q — men bunday demadim. Mening ishtirokim bor, ammo to‘g‘ridan-to‘g‘ri aloqador emasman. Menga ko‘rsatma berishgan. Men bu terrorchilik harakatida ishtirok etayotganimni bilmaganman», deya Azimovning so‘zlarini keltirgan RIA Novosti.
Bundan oldinroq Azimov terakt tashkilotchisi ekanini tan olgani haqidagi xabarni rad etgandi.
Uning so‘zlariga ko‘ra, unga bitta guruh berilgan, ammo uning o‘zi teraktda kim ishtirok etayotganini bilmagan. Azimovga qanday guruh berilgani va kim bergani hozircha noma’lum.
«Rossiya fuqarosiman, ma’lumotim o‘rta maxsusdan ham quyi — faqat 7 sinfni tamomlaganman. Oilaliman, 2014 yilda tug‘ilgan farzandim bor. Rasman hech qayerda ishlamayman», deya ko‘rsatma bergan Azimov.
Tergovchilar huquq tartibot organlarida Abror Azimovni portlashga aloqador shaxs sifatida qo‘lga olish uchun asos bo‘lganini qayd etishgan. Tergov uni 1 oyu 16 kunga, 3 iyun kuniga qadar hibsga olishni so‘ragan.
3 aprel kuni Sankt-Peterburg metrosida «Sennaya ploщad» va «Texnologicheskiy institut» bekatlari oralig‘ida portlash ro‘y berdi. «Ploщad Vosstaniya» bekatida ham portlovchi qurilma topildi va zararsizlantirildi. Terakt oqibatida 15 kishi halok bo‘lib, 49 kishi jarohatlandi.
Tergov qo‘mitasi ushbu terakt kelib chiqishiga ko‘ra qirg‘izistonlik bo‘lgan 22 yoshli Akbarjon Jalilov tomonidan sodir etilganini e’lon qildi.
Terakt tashkilotchiligida gumon qilinib 17 aprel kuni Moskva shahri yaqinida kelib chiqishiga ko‘ra markaziy osiyolik bo‘lgan Abror Azimov qo‘lga olindi. FXX ma’lumotlariga ko‘ra, 1990 yilda tug‘ilgan Azimov xudkush terrorchi Akbarjon Jalilovni tayyorlash bilan shug‘ullangan. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Moskvadagi terakt bo‘yicha yana uch kishi ushlandi
AQSH rasmiylari: Millionlab amerikaliklar xitoylik hakerlar hujumiga uchragan
AQSH elchisi: “Rossiya Ukraina poytaxtiga gipertovushli raketalar bilan zarba berdi”
Har kuni kechqurun piyoda yurish organizmda qanday o‘zgarishlarga sabab bo‘ladi?
Suvni tik turgan holda ichish mumkin emasligi ilmiy jihatdan isbotlandi
Rossiya qo‘shinlari Avdeyevkadagi ikkita qishloqni egallab oldi
Erdo‘g‘on terrorchilar haqida keskin gapirdi
Rossiya Ukrainaning harbiy dron yig‘uv inshootlarini yo‘q qildi