AQSh prezidenti Donald Tramp "Reyter" agentligi uchun bergan intervyusida ma’lum qildiki, KXDR bilan «katta ixtilof» yuzaga kelishi ehtimoli mavjud. Ammo u vaziyatni diplomatik yo‘l bilan hal etish tarafdori ekanligini ta’kidlagan.
«Shunday ehtimol mavjud. Biz Shimoliy Koreya bilan katta, judayam katta ziddiyat boshlashimiz mumkin», degan Tramp.
Shu bilan bir vaqtda u inqirozni tinch yo‘l bilan hal qilish tarafdori ekanini aytgan.
«Biz muammoni diplomatik yo‘l bilan hal qilishni istardik. Ammo bu juda qiyin», degan amerikaliklar prezidenti.
U KXDR bilan muammoni hal etishda Xitoy muhim ahamiyatga ega bo‘lishi haqida gapirgan. U Xitoy rahbari Si Jingpin buning uchun «bor imkoniyatini ishga solishi»ni aytgan.
Undan KXDR rahbari Kim Chen In haqidagi fikrini so‘rashgan. Tramp uni aqlli deb umid qilishini aytib, javob qaytargan, shuningdek, u juda yoshligida hukumat tepasiga kelganiga e’tibor qaratgan.
«Men umid qilamanki, unda aql bor», degan AQSh prezidenti.
Qo‘shma shtatlar Xitoyni Shimoliy Koreya bilan bog‘liq yadroviy muammolarni hal qilishdagi asosiy mamlakat, deb hisoblaydi. Aprel oyi boshida XXR rahbari Si Jingpin AQShga tashrif buyurgan va Donald Tramp bilan muzokaralar o‘tkazgandi.
KXDR bilan bog‘liq ziddiyat AQSh va Janubiy Koreya hamkorligida o‘tkazila boshlangan harbiy mashg‘ulotlardan keyin kuchaydi. Shimoliy Koreya bunga javoban ballistik raketalar uchirdi va Janubiy Koreya, Yaponiya hamda AQSh hududidagi ob’ektlarga zarba berishi mumkinligidan ogohlantirdi.
Raketa sinovlaridan keyin AQSh Koreya yarimoroli tomonga «Karl Vinson» aviatashuvchisini jo‘natdi. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ramzan Qodirovning 19 yoshli qizi medal bilan taqdirlandi
HAMAS yetakchisi: Isroil Rafahga kirsa, Falastin xalqi oq bayroqni ko‘tarmaydi
Germaniyada maktab o‘quvchilari ommaviy ravishda islom dinini qabul qilmoqda
Sariqmi yoki yashil: qaysi turdagi banan foydaliroq?
Toshkentda 02 kodli avtoraqamlar taxminan qachon paydo bo‘lishi aytildi
Qaysi kundalik odatlar immunitet pasayishiga olib kelishini bilasizmi?
Germaniyaning Knauf kompaniyasi Rossiyadan butunlay chiqib ketishini tasdiqladi
Eron prezidenti jiddiy bayonot berdi: «Isroildan hech narsa qolmaydi»
