Sharbat sotayotgan 5 yoshli qizga jarima belgilandi

  • 22 iyul 2017, 18:33
  • 5 409
  • Dunyo
  • Sharbat sotayotgan 5 yoshli qizga jarima belgilandi
    Buyuk Britaniyada 5 yoshli qiz mahalliy nazoratchilar tomonidan jarimaga tortildi. Londonda yashovchi qizga uyining oldida sharbat sotgani uchun 195 dollar jarima belgilandi, deb yozadi Qalampir.uz nashri.

    Qizning otasi Andre Spayserning aytishicha, nazoratchilar uni jarimaga tortishganini eshitgan qizaloqning ko‘zi yoshga to‘lgan. Qizaloq “Lovebox” raqs festivali muxlislari uchun uyida tayyorlangan sharbatni sotayotgan vaqtida tanbeh eshitgan.

    4 nafar ofiser qizning yoniga kelib, limonad sotiladigan joy va sharoit texnik talablarga javob bermasligini aytishgan va uni jarimaga tortishgan.

    Ofiserlar bilan suhbatdan so‘ng, qizaloq yig‘lab, otasiga “Dada, men yomon ish qildim. Men qayerdadir xato qildim”, degan. Andre Spayser bo‘lib o‘tgan voqea haqida “Daily Telegraph”ga yozgan. Bu voqeadan xabar topgan foydalanuvchilar minglab izohlar qoldirishdi. Bu xabarni internet bo‘ylab tarqatishdi. Ular ofiserlarni noto‘g‘ri harakat qilganlikda ayblashdi.

    Mahalliy mansabdorlarning xabar qilishicha, jarima puli bekor qilinadi va ofiserlar ushbu oiladan kechirim so‘raydilar.

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » Sharbat sotayotgan 5 yoshli qizga jarima belgilandi