Kobulda sodir etilgan portlash oqibatida 3 kishi halok bo‘ldi

  • 29 sentyabr 2017, 08:59
  • 3 856
  • Dunyo
  • Kobulda sodir etilgan portlash oqibatida 3 kishi halok bo‘ldi
    28 sentyabrda Afg‘oniston poytaxti Kobulda portlash sodir etildi. Dastlabki ma’lumotlarga ko‘ra, mahalliy vaqt bilan soat 18:00larda shaharning tumanlaridan birida politsiya mashinasiga magnit yordamida mahkamlangan portlovchi qurilma portlagan.

    Oxirgi ma’lumotlarga ko‘ra, portlash oqibatida 3 kishi, jumladan ikki politsiyachi halok bo‘lgan. Bundan tashqari, 16 nafar mahalliy fuqaro turli og‘irlikdagi tan jarohatlari olgan, deb xabar bermoqda Afg‘oniston ichki ishlar vazirligi vakili Najib Donishga iqtibos keltirgan holda 1TV telekanali.

    Bu hujum uchun javobgarlikni hozircha hech kim o‘z zimmasiga olmagan.

    Bundan avvalroq ham Kobulda stadiondagi o‘tkazish-tekshirish punktida portlash sodir bo‘lgandi. Bu yerda kriket bo‘yicha uchrashuv bo‘lib o‘tayotgan vaqtda terrorchi-xudkush o‘zini portlatgan. Bu hujum oqibatida 2 kishi halok bo‘lgandi.

    Manba: Kun.uz

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » Kobulda sodir etilgan portlash oqibatida 3 kishi halok bo‘ldi