Myanmada rohinja musulmonlariga qarshi chiqqan go‘zallik tanlovi g‘olibasi unvonidan ayrildi

  • 06 oktyabr 2017, 12:05
  • 4 643
  • Dunyo
  • Myanmada rohinja musulmonlariga qarshi chiqqan go‘zallik tanlovi g‘olibasi unvonidan ayrildi
    Myanma go‘zallik tanlovining 19 yoshli g‘olibasi Shvi In Si rohinja musulmon-jangarilarini terror va zo‘ravonlikda ayblaganidan so‘ng unvonidan ayrilganini ma’lum qildi. Bu haqda Daryo.uz xabar bermoqda.

    O‘tgan haftada Shvi In Si o‘zining «Facebook» dagi sahifasida rohinja jangarilari «begunoh fuqarolarga nisbatan zo‘ravonlik qilayotgani» haqida so‘zlagani aks etgan rolikni joylashtirgan edi.

    Go‘zallik tanlovi tashkilotchilari Shvidan tojni olib qo‘yganini tasdiqlagan, biroq bu holatning videorolik bilan bog‘liqligini rad etmoqda.

    Go‘yoki Shvi In Si o‘zini tanlov ishtirokchilariga xos bo‘lmagan tarzda tutib, u bilan tuzilgan shartnomani buzgan.

    Xususan, u oliy ma’lumoti borligini isbotlovchi hujjatni taqdim etishdan bosh tortgan va Vetnamga rejalashtirilgan safarga tayyorgarlik ko‘rmagan.

    Rohinja musulmonlari yashaydigan Myanma g‘arbida joylashgan Rakxayn viloyatidagi vaziyat 25 avgust kuni «Arakan rohinjalarini qutqarish armiyasi» harakatining yuzlab jangarilari politsiyaning 30 ta tayanch punktiga hujum qilganidan so‘ng keskinlashgan edi.

    Hududdagi zo‘ravonliklar tufayli 414 kishi halok bo‘ldi, qo‘shni Bangladesh Respublikasi esa 500 ming nafar qochoq-rohinjalarni qabul qildi.

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » Myanmada rohinja musulmonlariga qarshi chiqqan go‘zallik tanlovi g‘olibasi unvonidan ayrildi