Eron Inqilob soqchilari korpusi rahbari Muhammad Ali Ja’fariy mamlakatni keyingi hafta davomida qamrab olgan norozilik namoyishlari yakunlangani haqida ma’lum qildi. Uning so‘zlari korpus matbuot xizmati tomonidan keltirilgan.
«2017 yilning oxirgi kunlarida boshlangan namoyishlar muvaffaqiyatsizlikka uchradi... Namoyishlarga chiqqanlar soni kamchilikni tashkil etdi. Har bir shaharda o‘rtacha 1,5 ming kishi namoyishga chiqqan. Barcha shaharlardagi namoyishchilar soni 15 ming atrofida bo‘ldi», degan u.
U shuningdek, ushbu tartibsizliklarda yana bir bor Vashington, Tel-Aviv va Ar-Riyodni ayblagan.
«AQSh, Isroil va Saudiya Arabistoni IShID jangarilariga Eron hududiga kirib, qo‘poruvchilik harakatlari amalga oshirishga buyruq bergandi», degan Ja’fariy.
U namoyishlar tashkilotchilari sifatida qo‘lga olinganlarga nisbatan qat’iy choralar ko‘rilishini ma’lum qildi.
Uning aytishicha, oyatulloh Ali Xomaneiyga sodiq kuchlar Isfahon, Luriston va Hamadon viloyatlarida namoyishlarni to‘xtatgan.
28 dekabr kuni kechqurun Mashhadda 200 kishi tuxum narxi keskin ko‘tarilishiga javoban norozilik aksiyasi o‘tkazgandi. Politsiya ularning 52 nafarini hibsga oldi. Keyingi kunda norozilik namoyishlari boshqa shaharlarga ham tarqaldi.
Eron hukumati namoyishchilar muvofiqlikda harakatlana olmasligini ta’minlash maqsadida Instagram va Telegramni bloklab qo‘ydi.
OAV ma’lumotiga ko‘ra, 6 kun davom etgan tartibsizliklar vaqtida kamida 20 kishi halok bo‘ldi, 1000 nafardan ortiq kishi qo‘lga olindi.
Bugun, Eronning bir qancha shaharlarida hukumat tarafdorlari tinch namoyishlarga chiqishdi. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ramzan Qodirovning 19 yoshli qizi medal bilan taqdirlandi
HAMAS yetakchisi: Isroil Rafahga kirsa, Falastin xalqi oq bayroqni ko‘tarmaydi
Sariqmi yoki yashil: qaysi turdagi banan foydaliroq?
Toshkentda 02 kodli avtoraqamlar taxminan qachon paydo bo‘lishi aytildi
Eron prezidenti jiddiy bayonot berdi: «Isroildan hech narsa qolmaydi»
Germaniyada maktab o‘quvchilari ommaviy ravishda islom dinini qabul qilmoqda
Germaniyaning Knauf kompaniyasi Rossiyadan butunlay chiqib ketishini tasdiqladi
Qaysi kundalik odatlar immunitet pasayishiga olib kelishini bilasizmi?