Turkmaniston hukumati ayollarga mashina haydashni taqiqlab qo‘ydi. 2017 yil dekabrida avtoinspeksiya xodimlari ayol haydovchilarni bu qoidani buzganlari uchun jarimaga tortilishlaridan ogohlantira boshlashgan. Bu haqda Kun.uz nashri xabar bermoqda.
Yanvarda portalning Ashxoboddagi manbasi yo‘l politsiyasi xodimlari ayol haydovchilardan haydovchilik guvohnomalarini olib qo‘yib, ularning mashinalarini jarima maydonchasiga jo‘natayotganlarini ma’lum qilgan.
“Dastlab men bu xabarni hazil deb qabul qildim, biroq keyin bunga shaxsan to‘qnash keldim. Hozir ayollar mashina haydashdan qo‘rmoqdalar, shu sababli ko‘pchilik ayollarni ishga erlari olib borib qo‘ymoqdalar”, deb aytdi ashxobodlik bir ayol.
Boshqa bir manbaning aytishicha, ishiga mashina haydab boradigan, davlat xizmatida ishlaydigan ayollardan mashina haydamasliklari haqida tilxat olinmoqda.
Portalning yo‘l ispeksiyasidagi manbalaridan birining ma’lum qilishicha, 5 dekabrda mamlakat ichki ishlar vaziri Iskandar Mulikov mamlakat rahbariga statistika bo‘yicha yo‘l-transport hodisalarining aksariyati ayol haydovchilar aybi yoki ular ishtirokida yuz berishini ma’lum qilgan. Shundan keyin prezident vazirga “vaziyatni to‘g‘rilash”ga ko‘rsatma bergan.
Bir necha kun avval mamlakatda qora rangdagi avtomobillar haydash taqiqlangani haqida xabar paydo bo‘lgandi. Jumladan, Ashxobod ko‘chalarida qora va qoramtir rangdagi mashinalar ko‘rinmay qolgan.
Bunday rangdagi mashinalar yo‘l politsiyasi tomondan jarima maydonchalariga olib borilib, ularni boshqa rangga bo‘yash talab qilinmoqda. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ramzan Qodirovning 19 yoshli qizi medal bilan taqdirlandi
Germaniyada maktab o‘quvchilari ommaviy ravishda islom dinini qabul qilmoqda
O‘zbekistonda o‘tgan uch oyda qancha avtomobil ishlab chiqarilgan?
Amerikalik olimlar barcha uchun birdek foydali jismoniy faollik turini aniqladi
Germaniyaning Knauf kompaniyasi Rossiyadan butunlay chiqib ketishini tasdiqladi
Eron prezidenti jiddiy bayonot berdi: «Isroildan hech narsa qolmaydi»
Damas uchun onlayn kontraktatsiya ochiladi
Rossiya dunyodagi birinchi vodorod yoqilg‘ili avtomobilni taqdim etdi