Qozog‘istonning Aqto‘be viloyatida avtobus yonishi natijasida 52 kishining qurbon bo‘lishi yuzasidan ochilgan jinoiy ish doirasida transport vositasining egasi hamda haydovchisi tekshirilmoqda, deya xabar beradi Qalampir nashri “Kazinform” agentligi xabariga asosan.
“Jinoiy ish bilan IIVning eng malakali mutaxassislardan iborat tergov-operativ guruhi shug‘ullanmoqda. Ish O‘zbekiston Respublikasi huquq-tartibot idoralari bilan yaqin hamkorlikda amalga oshirilmoqda”, degan viloyat ichki ishlar departamenti boshlig‘i o‘rinbosari Yernat Kaliakparov.
Jurnalistlarning avtobus egasi ham ishga jalb qilinadimi, degan savoliga u “nafaqat haydovchilar, balki avtobus egasi ham tekshirilyapti”, deya javob bergan.
Bu kabi holatlarning oldini olish maqsadida, Ye.Kaliakparovning so‘zlariga qaraganda, mamlakat ichki ishlar vazirligi yo‘lovchilarni tashish xizmatlarini ko‘rsatadigan korxonalar, transport vositalarini texnik ko‘rikdan o‘tkazadigan tashkilotlar hamda sug‘urta kompaniyalari faoliyatini o‘rganmoqda.
Eslatib o‘tamiz, 18 yanvar kuni Aqto‘be viloyatidagi avtomobil trassasida avtobusning yonib ketishi oqibatida 52 nafar O‘zbekiston fuqarosi halok bo‘ldi. 5 kishi, jumladan, 3 qozog‘istonlik va 2 o‘zbekistonlik omon qoldi. Oradan ko‘p o‘tmay avtobusning uch nafar haydovchisi hibsga olinib, ularga nisbatan jinoiy ish qo‘zg‘atildi.
Qayd etish kerakki, bu fojiadan keyin Aqto‘be viloyatida yuz bergan yana ikkita YTHda o‘zbekistonliklar jabrlandi.
25 fevral kuni Xromtau tumanidagi Jariq posyolkasi yaqinida “Samara – Chimkent” trassasida yo‘lovchi avtobusi ishtirokida yo‘l-transport hodisasi sodir bo‘lib, unda 7 nafar yurtdoshimiz jarohatlandi.
5 mart kuni mazkur viloyat hududidan o‘tuvchi “Samara-Chimkent” avtomobil yo‘lida harakatlanayotgan “KAMAZ” yuk mashinasi bilan “Opel-Astra” yengil avtomashinasining to‘qnashuvi natijasida 2 nafar O‘zbekiston fuqarosi halok bo‘ldi. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Sariqmi yoki yashil: qaysi turdagi banan foydaliroq?
Germaniyada maktab o‘quvchilari ommaviy ravishda islom dinini qabul qilmoqda
Qaysi kundalik odatlar immunitet pasayishiga olib kelishini bilasizmi?
Vladimir Putin «Krokus»da sodir etilgan terakt uchun o‘ch olishga chaqirdi
Amerikalik olimlar barcha uchun birdek foydali jismoniy faollik turini aniqladi
Rossiya dunyodagi birinchi vodorod yoqilg‘ili avtomobilni taqdim etdi
Eron prezidenti jiddiy bayonot berdi: «Isroildan hech narsa qolmaydi»
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi