11:58 / 19.06.2018
4 800

Tramp zudlik bilan harbiy-koinot kuchlarini tashkil etishga ko‘rsatma berdi

Tramp zudlik bilan harbiy-koinot kuchlarini tashkil etishga ko‘rsatma berdi
AQSh prezidenti Donald Tramp mudofaa vazirligiga harbiy-koinot kuchlarini zudlik bilan shakllantirishga ko‘rsatma berdi.

“Agar gap Amerikani himoya qilish haqida ketsa, unda AQShning koinotda shunchaki bo‘lishi yetarli emas. Bizga AQShning koinotdagi ustunligi zarur”, deb aytgan Tramp Vashingtondagi chiqishida.

Trampning ta’kidlashicha, harbiy-koinot kuchlari mamlakat qurolli kuchlarining to‘laqonli “oltinchi tarmog‘i” bo‘lishi lozim.

AQSh prezidentining aytishicha, Vashington koinotda ustunlikka erishmoqchi va Rossiya hamda Xitoydan ortda qolmoqchimas.

“Men kelganimda, bizning koinot bo‘yicha rejalarimiz uncha yaxshi emasdi, biroq hozir hammasi o‘zgardi, bizda bu borada ko‘proq optimizm bor. Biz Xitoy, Rossiya va boshqa davlatlar o‘z ortidan bizni yetaklab yurishini istamaymiz. Biz doim yetakchilik qilganmiz va bizda kelgusi harakatlar uchun katta maydon bor”, deb aytgan Tramp.

Fevral oxirida AQSh harbiy-havo kuchlari boshlig‘i Devid Goldfeyn koinotda urush yuz berishi bir necha yillik masala ekanini aytgandi. Uning fikricha, Vashington koinotda ustunlikka erishmog‘i lozim.

Space News ma’lumotlariga ko‘ra, AQSh harbiy-havo kuchlarining joriy yildagi byudjetida koinot dasturlariga 7,75 mlrd dollar ajratish ko‘zda tutilgan. Keyingi yilda bu qiymatni 8,5 mlrd dollargacha oshirish rejalashtirilgan.

Dasturlash foundation


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Dunyo » Tramp zudlik bilan harbiy-koinot kuchlarini tashkil etishga ko‘rsatma berdi