Xitoyga o‘ta kuchli to‘fon kirib keldi

  • 23-07-2018, 12:56
  • 1 405
  • Dunyo
  • Xitoyga o‘ta kuchli to‘fon kirib keldi
    Xitoyning Shanxay shahri yaqinidagi Chunmin oroliga kecha kunduzi soat mahalliy vaqt bilan 12:30 da o‘ta kuchli to‘fon yopirilib kelgan. Bu yerda shamolning tezligi soatiga 100 kilometrgacha yetgan. Mahalliy rahbarlar iloji boricha fuqarolarni xavfsiz joylarga ko‘chishini ta’minlash harakatida ter to‘kishyapti. To‘fon Chjetszyan, Szyansu viloyatlariga ham yetib borgan.

    Bunga qadar Shanxaydagi jami 200 mingga yaqin odamni xavfsiz hududlarga ko‘chirishgandi. Chjetsyan viloyatida esa 40 mingga yaqin odam vaqtinchalik yashab turiluvchi maskanlarga ko‘chirildi. Hukumat rahbarlari, mutasaddilar kemalar, paromlar, qayiqlar bilan ikki-uch kunga qadar ochiq dengizga chiqmaslikka chaqirishgan. Qurilish, sayyohlik, ko‘ngilochar istirohat bog‘lari, sohilbo‘yi plyajlari yopib qo‘yilgan. Yirik sport musobaqalari ham noma’lum muddatga qoldirildi.

    Avariyaviy xizmat vakillari fuqarolar orasida qurbonlar, jiddiy jabr ko‘rganlar paydo bo‘lmaslgigi uchun jangovar holatga keltirib qo‘yilgan.

    Manba: hordiq.uz

    » » Xitoyga o‘ta kuchli to‘fon kirib keldi