Avstraliya milliy dengiz muzeyi arxeologlarining fikricha, ular XVIII asrda britaniyalik tadqiqotchi Jeyms Kuk boshqargan HMS Endeavour kemasining choʻkib ketgan joyini aniqlashdi. Bu joy AQSHning Rod-Aylend shtatidagi Narragansett koʻrfazidagi Got oroli yaqinida joylashgan.
Mutaxassislarning aytishicha, kema qoldiqlarini suv osti qazish ishlaridan keyingina aniq identifikatsiya qilish mumkin. Bu ishlarni 2019 yilda amalga oshirish rejalashtirilgan. Arxeologlar eman va qaragʻay yogʻochidan tayyorlangan va suv ostida 200 yildan koʻproq vaqt yotgan kemadan aynan nima qolganini bilishmaydi. 21 sentyabrda muzey xodimlari kema choʻkkan joy relyefining batafsil uch oʻlchovli tasvirini taqdim qilishlari kutilmoqda.
Rod-Aylend shtati maʼmuriyati avstraliyalik mutasaddi shaxslarga kemaning har qanday boʻlagini Avstraliyaga olib ketishga ruxsat olish uchun muzokaralar oʻtkazishlariga toʻgʻri kelishini aytgan. Muzey ishchilari qazish ishlari davomida topiladigan baʼzi buyumlarni 2020 yil aprelida, Kukning Avstraliyaga kelishining 250 yilligiga tomoshaga qoʻya olishlariga umid qilishmoqda.
Kema 1764 yilda qurilgan. U 1768 yilda Kuk qoʻmondonligi ostida Angliyaning Plimutini tark etib, oʻzining ilk dunyo boʻylab sayohatiga joʻnagan. 1770 yil aprelida Kuk ushbu kemada Avstraliyaning sharqiy sohiliga yetib kelgan. Taʼkidlanishicha, kema sayohatdan keyin harbiy kemaga aylantirilgan va 1778 yilda AQSH mustaqilligi uchun urush vaqtida choʻktirib yuborilgan. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
AQSH elchisi: “Rossiya Ukraina poytaxtiga gipertovushli raketalar bilan zarba berdi”
AQSH politsiyachilarining «aqlli qarori» Legoga ma’qul kelmadi
Erdo‘g‘on terrorchilar haqida keskin gapirdi
Rossiya Ukrainaning harbiy dron yig‘uv inshootlarini yo‘q qildi
Netanyahu Isroil delegatsiyasining AQSHga safarini bekor qildi
Dubay hukmdorining eng go‘zal qizi qanday hayot kechiradi?
AQSH rasmiylari: Millionlab amerikaliklar xitoylik hakerlar hujumiga uchragan
Rossiya qo‘shinlari Avdeyevkadagi ikkita qishloqni egallab oldi