Sobiq prezident Atamboyevning tansoqchilari soni qisqartirildi

  • 23 oktyabr 2018, 06:57
  • 2 372
  • Dunyo
  • Sobiq prezident Atamboyevning tansoqchilari soni qisqartirildi
    Qirgʻizistoninng sobiq prezidenti Almazbek Atamboyevga davlat tomonidan ajratilgan tansoqchilar soni qisqartirildi. Buni Qirgʻiziston sotsial-demokratik partiyasi vakili Kunduz Joldubayeva tasdiqlagan.

    Joldubayevaning aytishicha, u sobiq prezidentga qonun boʻyicha davlat hisobidan qancha tansoqchilar ajratilishi zarurligi haqida maʼlum qilolmaydi.

    “Avval ular koʻproq boʻlgan, bugun esa ularning soni ancha qisqarganini koʻrdim”, deb aytgan Joldubayeva va bu nima bilan bogʻlanganini bilmasligini qoʻshimcha qilgan.

    Taʼkidlanishicha, siyosiy partiya vakillari ham, Atamboyevning oʻzi ham Milliy xavfsizlik davlat qoʻmitasiga buning izohini soʻrab murojaat qilmoqchi emas.

    24.kg nashri maʼlumotlariga koʻra, Atamboyev 6 nafar tansoqchisidan mahrum etilgan.

    Xodimlari sobiq prezidentlarning qoʻriqlovini taʼminlovchi Milliy xavfsizlik davlat qoʻmitasi Atamboyev bilan Qirgʻizistonning yana bir sobiq prezidenti Roza Otunbayevada qoʻriqchilar soni bir xilda ekanligini maʼlum qilgan.

    Taʼkidlanishicha, Atamboyevning III Butunjahon koʻchmanchi oʻyinlari arafasida umumiy asoslarda tansoqchilari soni kamaytirilgan. Maʼlum qilinishicha, tansoqchilar boshqa qisqartirilmagan. Mamlakatning sobiq prezidentlarida bir xil sonda tansoqchilar bor. Biroq sobiq prezidentlar manfaati yoʻlida tansoqchilarning aniq soni oshkor qilinmaydi.

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » Sobiq prezident Atamboyevning tansoqchilari soni qisqartirildi