Yevropaning eng kuchli armiyalari reytingi e’lon qilindi

  • 6-11-2018, 15:02
  • 1 484
  • Dunyo
  • Yevropaning eng kuchli armiyalari reytingi e’lon qilindi
    Foto: «RIA Novosti»
    «Business Insider» jurnali talqiniga ko‘ra, Rossiya armiyasi Yevropadagi eng kuchli armiya deya e’tirof etildi. Reytingga jami 25 Yevropa mamlakati armiyasi kiritilgan bo‘lib, harbiy xizmatchilar va texnika soni, mudofaaga ajratiladigan mablag‘lar hisobga olindi.

    Jurnal ma’lumot berishicha, ayni paytda Rossiyada harbiy xizmatchilar soni 3,5 million nafardan oshadi, deyarli to‘rt mingta samolyot, 20 mingdan ziyod tanklar, 350 dan ortiq kemalar Rossiya mudofaa qudratiga xizmat qilmoqda. Yillik harbiy byudjet — 47 mlrd. dollar.

    Ikkinchi o‘rinda — Fransiya: 388 ming nafardan ortiq harbiy xizmatchi, 1,2 mingdan ziyod samolyotlar, shuningdek, boshqa texnikalar. Yillik harbiy byudjet — 40 mlrd. dollar.

    Uchinchi o‘rinda esa harbiy maqsadlar uchun yiliga 50 mlrd. dollar sarflovchi Buyuk Britaniya. Harbiy xizmatchilar soni — 279 ming kishi, 800 ta samolyot.

    Yevropaning eng kuchli 10 armiyasi:

    1. Rossiya;
    2. Fransiya;
    3. Buyuk Britaniya;
    4. Turkiya;
    5. Germaniya;
    6. Italiya;
    7. Ispaniya;
    8. Polsha;
    9. Gretsiya;
    10. Ukraina.
    Reytingdagi oxirgi — 25-o‘rinda Belgiya joylashgan. Harbiylari soni 38 ming kishi, harbiy byudjeti esa 5 milliard dollarni tashkil etadi.

    » » Yevropaning eng kuchli armiyalari reytingi e’lon qilindi