Germaniya: Islom konferensiyasida cho‘chqa go‘shti

  • 3-12-2018, 00:06
  • 2 895
  • Dunyo
  • Germaniya: Islom konferensiyasida cho‘chqa go‘shti
    Germaniya poytaxti Berlinda tashkil etilgan ikki kunlik Islom konferensiyasida bufetda cho‘chqa go‘shti qo‘shilgan yeguliklar tarqatilgani bahs-munozaralarga sabab bo‘ldi. Bu haqda DW xabar bermoqda.

    O‘n ikkinchi bor o‘tkazilgan konferensiyaning maqsadi Germaniyada yashovchi musulmonlar bilan muloqot hamda ularning moslashuv muammolarini muhokama qilish edi. Ammo millati turk bo‘lgan bir jurnalistning cho‘chqa go‘shti haqidagi xabari shov-shuvni keltirib chiqardi.

    Ko‘pchilik konferensiya mezboni bo‘lmish Federal ichki ishlar vazirligini mas’uliyatsizlikda aybladi. Ichki ishlar vazirligi esa konferensiyada turli dinga mansub kishilar qatnashganini va bufetdagi 13 xil taom shunga ko‘ra tayyorlanganini bildirdi. Qayd etilishicha, nohalol ovqatlar alohida ajratilgan bo‘lgan.

    Manba: Azon.uz

    » » Germaniya: Islom konferensiyasida cho‘chqa go‘shti