Alisher Usmonovning «qonundagi o‘g‘ri» Shakro Molodoy bilan aloqalari haqidagi maqolalarga munosabati

Milliarder Alisher Usmonov Moskvaning Basmanniy sudiga da’vo arizasi bilan murojaat qildi, unda internetdagi uchta maqolani bloklab qo‘yish talabi bor. RBK’ning sud matbuot kotibi Yunon Sarevga asosan xabar berishicha, maqolalarda Usmonov jinoyat dunyosi vakili, «qonundagi o‘g‘ri» Shakro Molodoy (Zaxariy Kalashov) va boshqa jinoiy guruhlarning ishiga aloqador ekani aytiladi.

Uning aniqlik kiritishicha, Usmonov o‘z sha’ni va qadr-qimmatini himoya qilish to‘g‘risida da’vo arizasi bilan chiqqan. «Arizada Usmonov ma’naviy zarar uchun 50 ming rubl tovon puli to‘lashni, uchta maqolani o‘chirib tashlashni talab qilgan: «Alisher Usmonov. Maqomi: «avtoritet», «Alisher Usmonov Shakro ishida» va uyushgan jinoiy guruh bilan aloqalar haqidagi», - deydi Sareva. Uning aniqlik kiritishicha, ko‘rsatilgan maqolalar Russian Criminal saytida e’lon qilingan.

Sarevaning qo‘shimcha qilishicha, Roskomnadzor ham javob beruvchi sifatida jalb etilgan, sababi Usmonov o‘zi haqidagi «ma’lumotni taqiqlab qo‘yishni so‘ramoqda», buni esa «faqat Roskomnadzor qila oladi».

«Qonundagi o‘g‘ri» Shakro Molodoy (Zaxariy Kalashov) mart oyi oxirida Moskva shahrining Nikulinskiy sudi tomonidan ikkita tovlamachilik holati bo‘yicha to‘qqiz yil va to‘qqiz oyga ozodlikdan mahrum qilindi. Birinchisi, Moskvaning Rochdelskaya ko‘chasidagi Elements kafesi egasi Janna Kimga (8 mln rubl), ikkinchisi - «Nordneftgaz» direktori Lev Garamovga (10 mln rubl) aloqador.

28 noyabr kuni Moskva shahar sudi hukmni qonuniy deb topdi. “Zamin” yangiliklarini “Facebook”da kuzatib boring