«Qirol sher»dagi mashhur ibora Afrikadagi janjalga sabab bo‘ldi

^{Foto: Walt Disney Pictures}
100 mingdan ziyod kishi Walt Disney kino kompanyasidan «Qirol sher» multfilmidagi «hakuna matata» iborasiga mualliflik huquqidan voz kechishni talab qilib petitsiya imzoladi. Bu haqda «Daryo» xabar berdi.

Suahili tilida u «hech narsadan tashvishlanma» degan ma’noni anglatadi.

Petitsiya tarafdorlari ushbu ibora uchun mualliflik huquqini G‘arbliklarning Afrika manbalariga «mustamlakachilik va o‘g‘irlik» bilan taqqosladi.

Suahili — Sharqiy Afrikada 150 millionga yaqin odamlar so‘zlashadigan til. U Keniya, Tanzaniya, Uganda, Kongo Demokratik Respublikasi, Mozambik va Janubiy Afrikada qo‘llaniladi.

Petitsiya muallifi Shelton Mpalning so‘zlariga ko‘ra, til tashuvchilari Disney kompaniyasining harakatlaridan hayratga tushgan.

«Qirol sher» 1994 yilda chiqarilgan bo‘lsa-da, kompaniya 2003 yilda ushbu iboraga mualliflik huquqini qo‘lga kiritdi, janjal esa hozir chiqdi.

Buning sababi, keyingi yilda «Qirol sher»ning rimeyki chiqqani bilan bog‘liq edi. “Zamin” yangiliklarini “Youtube”da kuzatib boring