Eng og‘riqli go‘zallik taomillari (foto)

  • 22 yanvar 2019, 16:43
  • 4 282
  • Dunyo
  • Eng og‘riqli go‘zallik taomillari (foto)
    Go‘zallik qurbonlik talab qiladi, ba’zida esa bu qurbonlik ortiqcha hamdir, deya yozmoqda Darakchi nashri.
    Quyida turli mamlakatlardagi go‘zallikning og‘riqli taomillari bilan tanishishingiz mumkin.
    Habashiston

    Habashistonning mursi qabilasi ayollari o‘z yuzlarini maxsus plastinkalar bilan bezashadi, ya’ni bu plastinkalar pastki labga o‘rnatiladi. Plastinka qanchalik katta bo‘lsa, ayol yoki qiz shunchalik go‘zal hisoblanadi va turmushga qichish imkoniyati ham shunchalik ko‘p bo‘ladi. Ushbu taomil ming yillik o‘tmishga borib taqaladi, ammo bugungi kunda ham qabilada ushbu amaliyotni bajarib kelayotganlar topiladi.
    Myanma

    Myanmada go‘zallikning yuksagi uzun bo‘yinlar hisoblanadi. Padaung elati qizlarining besh yoshlaridanoq bo‘yinlariga spiral metall simchiviqlar kiygizishadi.

    Yosh o‘tgan sari simchiviq o‘rami ko‘payib boraveradi.
    Shuningdek, mazkur xalq vakillari Tayland hududida ham yashaydilar.
    Xitoy

    Xitoyda ayol va qizlar oyoqlarini bintlash X asrdan XX asr boshigacha qo‘llanib kelingan. Qizlarning oyoq barmoqlari bint yordamida bukilgan, bu bilan esa oyoqning o‘sishi to‘xtatilgan. Oqibatda qizlar mustaqil harakatlanishdan mahrum bo‘lishgan. Lekin o‘sha paytlarda ayollarga buning keragi ham bo‘lmagan. Uning vazifasi uyda o‘tirib, erining hayotini farovon etish bo‘lgan.

    Kichik o‘lchamdagi oyoqli kelinlar naq oltinga teng bo‘lgan, shakli yuqoridagi tarzda o‘zgartirilgan oyoqlar esa oltin nilufar hisoblangan.

    » » Eng og‘riqli go‘zallik taomillari (foto)