Fazoda oʻzga sayyoraliklarning kemasi kuzatuv kamerasiga tushdi... (video)

Meksikalik mashhur ufolog Pedro Ramires yaqinda Xalqaro fazo stansiyasi kuzatuv kamerasi suratga olgan soʻnggi lavhalarni nazoratdan oʻtkazish jarayonida yana bir shov-shuvga sababchi boʻla oluvchi manzarani koʻrib hayratdan yoqa ushladi. Lavhada fazo stansiyasi yonidan uchib oʻtayotgan disksimon obyekt tasvirlangandi. Uning aytishicha, Xalqaro fazo stansiyasi yonidan tez-tez shunday disksimon uskunalar uchib oʻtadi. Ammo har gal ularni qandaydir qiruvchi samolyotlar paydo boʻlib nari haydardi. Bu galgisini negadir samolyotlar nazardan qochirishdimi, oʻzga sayyoraliklarga tegishli bu kema erkin tarzda stansiya yonidan uchib oʻtgan.

— Men soʻnggi yillarda toʻplagan tajribamdan shu narsani aniq sezdimki, — dedi ufolog. — Oʻzga sayyoraliklar bilan yerliklar uchrashuvi yerda emas, balki orbitada boʻlib oʻtadi. Xalqaro fazo stansiyasi uchrashuv uchun juda qulay joy hisoblanadi. Faqat qiruvchi samolyotlar oʻzga sayyoraliklarni taʼqib etishdan, haydab solishdan voz kechsagina bu uchrashuvdan umid qilsa boʻladi. Ularning taʼqibi oʻzga sayyoraliklarga yoqib tushmayotganini ham kuzatib aniqladim. Toʻgʻri, ular yer bizga tegishli ekanini juda yaxshi bilishadi. Lekin taʼqiblar, haydab solishlar yaxshilikka olib kelmasligi mumkin. Sabr kosasi toʻlgan kuni oʻzga sayyoraliklar agressiyaga xuddi shunday agressiya bilan javob qaytarishlari ham hech gap emas. Afsuski, Amerikaga tegishli maxfiy qiruvchi samolyotlar uchuvchilari bu holatni his eta bilishmayapti.


Manba: Hordiq.uz “Zamin” yangiliklarini “Twitter”da kuzatib boring