11:00 / 22.02.2019
5 388

Xitoy janubida hudud tarixidagi eng yirik mafiya tarmog‘i yo‘q qilindi

Xitoy janubida hudud tarixidagi eng yirik mafiya tarmog‘i yo‘q qilindi
Xitoyning eng janubida joylashgan Xaynan viloyatida viloyat tashkil etilgan vaqtdan beri eng yirik mafioz tarmog‘i yo‘q qilindi. Bu haqda “Sinxua” axborot agentligi xabar berdi.

2019 yil 6 yanvarda boshlangan katta ko‘lamli operatsiyaga 1210 nafar politsiyachi va 300 dan ko‘proq transport vositasi jalb qilingan. Bu vaqt ichida 179 nafar gumonlanuvchi hibsga olingan, naqd pul, avtomobillar, o‘qotar va sovuq qurol, ko‘chmas mulk, o‘rmon va yer maydonlari musodara qilingan, 1,5 mlrd yuan (220 mln dollar) miqdoridagi bank hisobraqamlari bloklab qo‘yilgan.

Biroq ta’kidlanishicha, 54 gumonlanuvchi hamon ozodlikda qolmoqda. Mahalliy hokimiyatning ma’lum qilishicha, bu viloyat tarixida uyushgan jinoyatchilikka qarshi o‘tkazilgan eng katta ko‘lamli operatsiya bo‘lgan.

Tergov natijasida Xun Xunf va uning oilasi yetakchilik qilgan to‘da o‘tgan asrning 80-yillaridan beri harakat qilib kelgani aniqlangan. To‘da transport, chiqindilarni qayta ishlash, meva-sabzavotlar savdosi, foydali qazilmalar qazib olish kabi sohalarga kirib borgan va pul yuvish hamda “ijtimoiy maqom”ni shakllantirish bilan shug‘ullangan. Buning natijasida to‘da iqtisodiyotning ko‘plab lokal sektorlarini monopollashtirgan.

Dasturlash foundation


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Dunyo » Xitoy janubida hudud tarixidagi eng yirik mafiya tarmog‘i yo‘q qilindi