Xitoyda 1 yashar bolaning toʻxtab qolgan yuragini 30 daqiqada ishlatib yuborishdi

  • 08 mart 2019, 12:40
  • 1 469
  • Dunyo
  • Xitoyda 1 yashar bolaning toʻxtab qolgan yuragini 30 daqiqada ishlatib yuborishdi
    Bu voqea Xitoyning Guandun viloyati Foshan shahrida sodir boʻldi. Bir ayol bananga tiqilib qolgan 1 yashar bolasini kasalxonaga olib kelgandi. Oʻzining aytishicha, oʻgʻilchasini doʻkon aylanishga olib chiqqan-u, yoʻl-yoʻlakay banan bergan ekan. Koʻproq berib qoʻyibdi chogʻi, bola tiqilib qolgan va shuning oqibatida yuragi urishdan toʻxtagan.

    Kasalxonaga kelgach, bolaning tomoq qismidan xuddi oʻsha tiqilib qolgan banan boʻlagini olib tashlashdi. Ammo yurak urmasdi. Besh nafar reanimator vrach navbati bilan bolaning yuragini uqalay boshlashdi. Bu amal 30 daqiqa davom etdi. Umridan bor ekan. Xudoning qudrati bilan yurak ishlab ketdi va chaqaloq hayotga qaytdi.

    — Bu rosmana moʻjiza, — deydi vrachlardan biri. — Bolani xudo qaytib berdi! Endi umri judayam uzun boʻladi…

    Biroq tibbiyot xodimlari bu bolani uyiga kuzatib qoʻyishga shoshilishmayapti. Aytishlaricha, miyaga maʼlum muddat qon bormay turgan. Shu narsa bola miyasining ayrim qismlariga salbiy taʼsir koʻrsatishi mumkin. Bu muammoni ham ijobiy hal etgachgina, bemor uyiga ketadi.

    Manba: Hordiq.uz

    » » Xitoyda 1 yashar bolaning toʻxtab qolgan yuragini 30 daqiqada ishlatib yuborishdi