Stokgolmdagi Tinchlik muammolari tadqiqoti instituti (SIPRI) jahondagi qurol-yarogʻ eksporti holati haqida yangi hisobot eʼlon qildi. Oʻtgan yilda boʻlgani kabi, qurollar eksporti boʻyicha eng yirik davlatlar orasiga AQSH, Rossiya, Fransiya, Germaniya va Xitoy kiritildi, ular 2014-2018 yillarda savdolarning 75 foizini taʼminlab bergan. Shu bilan birga, AQSH va Rossiyaning jami hajmi 57%ni tashkil etadi.
Ekspertlar fikriga koʻra, 2014-2018 yillarda anʼanaviy qurollar asosiy turlarining xalqaro yetkazib berish hajmi 2009-2013 yillarga nisbatan 7,8 foizga va 2004-2008 yillarga nisbatan 23 foizga oʻsgan. Taʼkidlanishicha, soʻnggi besh yil ichida Yaqin Sharqqa qurol yetkazib berish 2009-2013 yillarga nisbatan ortgan, boshqa mintaqalarga esa kamaygan, deya xabar beradi “Kun.uz”.
Hisobotga koʻra, qurollar bozorida AQSHning ulushi 6 foizga oshib, 36 foizni tashkil etdi. AQSH eksportining yarmidan koʻpi (52%) Yaqin Sharqqa toʻgʻri keladi.
“AQSH dunyoda qurol yetkazib berish boʻyicha oʻz yetakchi pozitsiyasini yanada mustahkamladi. Soʻnggi besh yil ichida AQSH kamida 98 mamlakatga qurol yetkazib bergan; bu hajmlar zamonaviy qurollar, masalan, jangovar samolyotlar, kichik masofadagi qanotli va ballistik raketalar hamda koʻplab boshqariladigan bombalarni oʻz ichiga olgan”, - degan SIPRIʻning qurol-yarogʻ va harbiy xarajatlar dasturi direktori Od Fleran.
Rossiyaning 2014-2018 yillarda bozordagi ulushi, aksincha, 2009-2013 yillarga nisbatan 17%ga kamaydi. Taʼkidlanishicha, bu qisman Hindiston va Venesuela tomonidan qurollar importi qisqarishi bilan bogʻliq. Soʻnggi besh yil ichida Rossiya 48 mamlakatga qurol-aslaha yetkazib berdi. Umumiy hajmining 55 foizi Hindiston, Xitoy va Jazoirga toʻgʻri keladi.
Fransiya va Germaniya 2014-2018 yillarda eksport hajmini 43 foizga va 13 foizga oshirgan. YEI davlatlari eksportining jami hajmi dunyodagi koʻrsatkichdan 27%ni tashkil etdi. Eng yirik eksportyorlar beshligiga yakun yasab bergan Xitoy savdolarni 2,7 foizga oshirdi. Soʻnggi besh yil ichida Isroil, Janubiy Koreya va Turkiyadan qurollar eksporti sezilarli darajada oʻsdi (60%, 94% va 170%).
Eng yirik import qiluvchilarga Saudiya Arabistoni (2009-2013 yillarga nisbatan +192%), Misr (+206%), Isroil (+354%), Qatar (+225%) va Iroq (+159%) aylandi. 2014-2018 yillarda Osiyo va Okeaniya mamlakatlari harbiy yuklar umumiy hajmining 40 foizini olgan. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
AQSH rasmiylari: Millionlab amerikaliklar xitoylik hakerlar hujumiga uchragan
AQSH politsiyachilarining «aqlli qarori» Legoga ma’qul kelmadi
Dubay hukmdorining eng go‘zal qizi qanday hayot kechiradi?
«Tolibon» Moskvadagi terakt tashkilotchilarini yo‘q qilishga va’da berdi
Rossiyaning harbiy operatsiyadagi manyovri Ukrainani hayratga soldi
Rossiya G‘azoga 29 tonnadan ortiq insonparvarlik yordami jo‘natdi
«Krokus»dagi hujum bo‘yicha sakkizinchi ayblanuvchining ismi oshkor qilindi
Emmanuel Makron: “Ukraina tez orada qulashi mumkin”