Moskvadagi 2 ta bozorda oʻnlab oʻzbek va tojik migrantlar qoʻlga olindi (foto, video)

  • 12 mart 2019, 18:26
  • 3 456
  • Dunyo
  • Moskvadagi 2 ta bozorda oʻnlab oʻzbek va tojik migrantlar qoʻlga olindi (foto, video)
    Moskva politsiyasi maxsus kuchlari va migratsiya xizmati “Sadovod” bozori hamda “Moskva” savdo markazida keng koʻlamli reyd oʻtkazdi.

    Xabarlarga koʻra, “bir necha oʻnlab migrantlar ushlandi, ular mamlakatda boʻlish tartibiga rioya qilingani, shuningdek, bir qator jinoyatlarga aloqadorlik boʻyicha tekshirilmoqda”.

    Rossiya agentliklarining maʼlumotlariga koʻra, 11 mart kuni ertalab taxminan soat 5:00lar atrofida politsiya va migratsiya xizmati vakillari ichida boʻlgan yuzga yaqin avtobus bozorlarga kelgan. Politsiya bozorni oʻrab olgan va unga odamlarni kiritmagan.

    Foto: by_naikon/ instagram.com
    “Axbor” tojik agentligi xabariga koʻra, politsiya reydining asosiy maqsadi katta miqdorda pul yuvishda gumonlanayotgan bozor rahbarlarini qoʻlga olish edi.

    Politsiya va migratsiya xizmati xodimlari, bozor rahbarlaridan tashqari, oddiy migrantlarni ham qoʻlga olishgan.

    Foto: by_naikon/ instagram.com
    Baʼzi OAV xabariga koʻra, bu reydlar 8 mart kuni Moskvaning Marino tumanida mehnat migrantlari oʻrtasida roʻy bergan ommaviy tartibsizliklardan keyin oʻtkazildi. Ommaviy mushtlashuvlar vaqtida oʻqotar quroldan uch kishi yaralandi.

    » » Moskvadagi 2 ta bozorda oʻnlab oʻzbek va tojik migrantlar qoʻlga olindi (foto, video)