Telia kompaniyasi Oʻzbekistondagi korrupsiyaga oid soʻnggi ishda 208 million dollar toʻladi

  • 25 mart 2019, 23:41
  • 644
  • Dunyo
  • Telia kompaniyasi Oʻzbekistondagi korrupsiyaga oid soʻnggi ishda 208 million dollar toʻladi
    Foto: Digital Trends
    Kompaniyada Telia barcha moliyaviy majburiyatlarni global jahon kelishuvlariga muvofiq amalga oshirgani va kelajakda Teliaʻga qarshi hech qanday daʼvo qilinmasligi qayd etildi. Bu haqda Daryo xabar berdi.

    Oʻzbekistonda 2007 yildan 2018 yilgacha faoliyat koʻrsatgan (Ucell operatorining egasi) shved kompaniyasi Telia Oʻzbekistondagi korrupsiya ishiga soʻnggi 208,5 million dollar miqdorida transh toʻladi.

    2007 yil iyul oyida Telia COSCOM kompaniyasining asosiy aksiyadoriga aylangan. 2008 yil iyun oyida operator Ucell brendi ostiga oʻtgan.

    Kompaniya Oʻzbekistonda ishlash uchun pora bergani maʼlum boʻlganidan soʻng 2013 yilda korrupsiya mojarosi markazida boʻlgan. 2015 yilda kompaniya Yevroosiyoda ishlashni qisqartirishga va butun eʼtiborini Shimoliy Yevropaga qaratishga qaror qilgan.

    2017 yilda imzolangan kelishuvlarga koʻra, kompaniya 1 milliard dollar toʻlashi kerak edi. 19 mart kuni oxirgi transh Niderlandiya prokuraturasiga (Openbaar Ministryie, OM) toʻlangan.

    Shvetsiya prokuraturasi Stokgolm shahar sudining 2019 yil 15 fevraldagi qaroriga qarshi appelyatsiya “Telia Company AB”ga qarashli mablagʻni taqsimlash boʻyicha daʼvo bilan bogʻliq ravishda olib tashlanganini xabar qilgan.

    Kompaniyada Telia barcha moliyaviy majburiyatlarni global jahon kelishuvlariga muvofiq amalga oshirgani va kelajakda Shvetsiya prokuraturasi yoki ushbu masala bilan bogʻliq boshqa organlar tomonidan Teliaʻga qarshi hech qanday daʼvo qilinmasligi qayd etilgan.

    » » Telia kompaniyasi Oʻzbekistondagi korrupsiyaga oid soʻnggi ishda 208 million dollar toʻladi