Britaniyalik Jeymi Ebbot Italiyadagi villasini 59 yevroga sotmoqda

  • 29 mart 2019, 10:50
  • 562
  • Dunyo
  • Britaniyalik Jeymi Ebbot Italiyadagi villasini 59 yevroga sotmoqda
    Foto: “Vesti.ru”
    Britaniyalik Jeymi Ebbot Italiyadagi villasini sotish boʻyicha urinishlari ish bermagach, uni lotereyada oʻynashga qaror qildi, deb yozadi “Daryo” nashri.

    Uch qavatli uy Italiyaning Abrusso hududidagi Karapelle-Kalvizioda, Gran-Sasso milliy bogʻi yonida joylashgan. Dangʻillama uy eskicha uslubda bezatilgan. Unda uchta yotoqxona, ikkita vannaxona va hovlisida terrasa bor.

    Uyning bozor narxi 250 ming yevro, ammo uni 59 yevrolik lotereya xarid qilib yutib olish ham mumkin. Yutib olgan shaxsga uydan tashqari Yevropaning istalgan burchagidan kelish uchun samolyot xarajatlari ham toʻlanadi. Barcha notarial xarajatlarni Jeymi Ebbot oʻz boʻyniga olgan.

    Ikkinchi gʻolib 11 770 yevro oladi, yana besh kishiga bir savat oziq-ovqat va Abrusso vinosi beriladi.
    Britaniyalik umumiy hisobda olti mingta bilet chiqargan. Ularning barchasi sotilib ketgan. Gʻolib oktabr oyi oxirida aniqlanadi.

    » » Britaniyalik Jeymi Ebbot Italiyadagi villasini 59 yevroga sotmoqda