Afgʻonistonda general Doʻstum kortejiga hujum uyushtirildi

  • 31 mart 2019, 17:30
  • 1 377
  • Dunyo
  • Afgʻonistonda general Doʻstum kortejiga hujum uyushtirildi
    Afgʻoniston shimolida “Tolibon” radikal harakati tomonidan birinchi vitse-prezident, general Abdul-Rashid Dustum kortejiga hujum uyushtirildi, deb xabar qilmoqda Sputnik.

    General Doʻstum avtomobil kortejiga Balx –Jauzjan viloyatiga borayotganda Balx-Shibergan yoʻlida hujum uyushtirilgan. Hujum oqibatida 1 tan soqchisi qurbon boʻlgan ikki nafari jarohatlangan. Birinchi vitse-prezident zarar koʻrmagan.

    Xabarda aytilishiga koʻra, Doʻstum ushbu hujum haqida oldindan bilgan, lekin safarini bekor qilmagan. Boʻlib oʻtgan jangda hujumchilar tomonidan ham bir necha jangari yoʻq qilingan va hujumchi guruh boshligʻi qoʻlga olingan.

    Bir necha kun oldin general Doʻstum, agar unga imkoniyat berilsa 6 oyda Afgʻoniston shimolini toliblardan tozalashini xabar qilgan edi.

    Eslatib oʻtamiz, yil boshidan buyon Tolibon harakati oʻzining hukumatga qarshi faoliyatini keskin oshirgan. Tolibon va hukumat qoʻshinlari orasida koʻplab toʻqnashuvlar boʻlib oʻtmoqda. Bir necha kun oldin Afgʻoniston Shimolida 170ga yaqin hukumat askarlari hibsga olingani xabar qilingan edi.

    » » Afgʻonistonda general Doʻstum kortejiga hujum uyushtirildi