Hindistonda dunyodagi birinchi shishali masjid qurildi

  • 03 aprel 2019, 12:23
  • 787
  • Dunyo
  • Hindistonda dunyodagi birinchi shishali masjid qurildi
    Foto: “Muslim.uz”
    Hindistonning Megxalaya shtati Shillong shahrida dunyodagi birinchi shishali masjid paydo boʻldi, deb xabar bermoqda Oʻzbekiston musulmonlar idorasi Matbuot xizmati.

    “Ushbu masjid barcha dinlarning birligi ramzi hisoblanadi”, — deydi Hindiston milliy ozchilik ishlari boʻyicha Ittifoq davlat vaziri Vinsent H. Pala.

    Vazir Madina masjidi deb nomlangan va Hindistondagi faqat shishadan qurilgan toʻrt qavatli ilk masjidning oʻziga xosligi va alohida maʼnaviy muhitini taʼkidladi.

    Tungi vaqtda sunʼiy qoʻshimcha yoritish vositalari sababli masjid oʻzgacha tarzda charaqlab turadi. Bir necha ming namozxonlarga moʻljallangan masjidda ayollar uchun alohida xonalar koʻzda tutilgan.

    Bu masjidda shuningdek boʻlajak imom-xatiblarni yetishtirib chiqaradigan dinshunoslik instituti faoliyat yuritadi. Madina masjidi islom fanlari va dunyo dinlari haqidagi adabiyotlardan iborat kutubxona mavjud. Bu yerda istovchilarga Islom dini haqida maʼruzalar va darslar beriladi, buning uchun barcha shart-sharoitlar muhayyo qilingan.

    Shuni taʼkidlash lozimki, aholisi 1,1 milliard boʻlgan Hindistonning 160 millionini musulmonlar tashkil etadi. Musulmon aholisining soni boʻyicha Hindiston dunyoda Indoneziya va Pokistondan keyin uchinchi oʻrinda turadi.

    » » Hindistonda dunyodagi birinchi shishali masjid qurildi