Qozogʻiston prezidenti ilk davlat tashrifi bilan Rossiyaga keldi

  • 03 aprel 2019, 16:10
  • 817
  • Dunyo
  • Qozogʻiston prezidenti ilk davlat tashrifi bilan Rossiyaga keldi
    Qozogʻiston prezidenti Qosim-Jomart Toqayev rasmiy tashrif bilan Rossiyaga keldi. Bu haqda TASS xabar bermoqda.
    Bu Qozogʻiston yangi prezidentining xorijga ilk tashrifidir.

    Kreml matbuot xizmatining xabar qilishicha, ikki davlat rahbarlari ikki tomonlama munosabatlarning dolzarb mavzulari, Yevrosiyo hududidagi integratsion jarayonlarning borishi hamda mintaqadagi dolzarb masalalarni muhokama qilishadi.

    Muzokaralar yakuniga koʻra ikki tomonlama hujjatlar imzolanishi rejalashtirilgan.
    19 mart kuni Qozogʻiston prezidenti Nursulton Nazarboyev oʻz vakolatlarini topshirdi. 20 mart kunidan boshlab Toqayev Qozogʻiston prezidenti vazifasini bajarishga kirishdi.

    Manba: Kun.uz

    » » Qozogʻiston prezidenti ilk davlat tashrifi bilan Rossiyaga keldi