Albaniya poytaxti Tirana aeroportida niqoblarda bo‘lgan qurollangan o‘g‘rilar Avstriyaning Austrian Airlines aviakompaniyasi samolyotiga hujum sodir etib, uning ichidagi bir necha million yevroni o‘g‘irlab ketishgan. Bu haqda ORF teleradiokompaniyasiga tayanib Kun.uz xabar berdi.
Ma’lum qilinishicha, samolyot voqea vaqtida Venaga uchishga tayyorgarlik qo‘rayotgan bo‘lgan. Albaniya politsiyasining xabar berishicha, o‘g‘rilar aeroport hududiga o‘t o‘chirish mashinalari kirish joyi orqali tushishgan. Guvohlarning ta’kidlashicha, niqoblarda bo‘lgan 3 bosqinchi samolyot bortiga kirib, ekipajga qurol bilan tahdid qilib, yukxonadagi pullarni o‘g‘irlab ketgan.
Radio Televizioni Shqiptar teleradiokompaniya ma’lumotlariga ko‘ra, jinoyatchilar aeroportga soliq tergovlari boshqarmasi xodimlari kiyimida “Soliq inspeksiyasi” yozuvi bo‘lgan avtomobilda kirishgan.
Albaniya ichki ishlar vazirligida samolyotdan umumiy hisobda 10 mln yevro o‘g‘irlangani ma’lum qilingan.
O‘g‘rilar qochishi vaqtida politsiya tomonidan bir o‘g‘ri bartaraf etilgan. Qolgan bosqinchilar qochishga muvaffaq bo‘lgan. Ular tomonidan qo‘llangan avtomobil Babrru qishlog‘i yonida yoqilgan holda topilgan. Ayni vaqtda o‘g‘rilarni qidirish ishlari olib borilmoqda.
Samolyot ekipaji va yo‘lovchilarga zarar yetmagan. Voqeadan keyin Ona Tereza nomidagi Tirana aeroportida xavfsizlik choralari kuchaytirilgan. Voqea sababli samolyot Avstriyaga 2 soatlik kechikish bilan uchgan. Uning bortida 160 kishi bo‘lgan, ularning barchasi parvozgacha so‘roq qilib chiqilgan.
Balkan Insight portalining yozishicha, xorijiy kompaniyalar Albaniyadan Venaga pullarni yetkazishda oddiy aviakompaniyalar xizmatlaridan muntazam foydalanib keladi. Bu o‘g‘rilik Tirana aeroportidagi birinchi shunday o‘g‘rilik bo‘lmay, politsiyaning bunday voqealarga qarshilik ko‘rsata olishga tayyorligi borasida savollar tug‘diradi. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Sariqmi yoki yashil: qaysi turdagi banan foydaliroq?
Germaniyada maktab o‘quvchilari ommaviy ravishda islom dinini qabul qilmoqda
Qaysi kundalik odatlar immunitet pasayishiga olib kelishini bilasizmi?
Vladimir Putin «Krokus»da sodir etilgan terakt uchun o‘ch olishga chaqirdi
Amerikalik olimlar barcha uchun birdek foydali jismoniy faollik turini aniqladi
Rossiya dunyodagi birinchi vodorod yoqilg‘ili avtomobilni taqdim etdi
Eron prezidenti jiddiy bayonot berdi: «Isroildan hech narsa qolmaydi»
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
