Yarim soat kir yuvish mashinasida qolib ketgan mushuk tirik qoldi

  • 14 aprel 2019, 18:43
  • 434
  • Dunyo
  • Yarim soat kir yuvish mashinasida qolib ketgan mushuk tirik qoldi
    Avstraliyada Poppi laqabli olti oylik mushukcha mashinada yarim soat kiyimlar bilan yuvilganidan so‘ng tirik qoldi. Bu haqda «Daryo» xabar berdi.

    Xabarda aytilishicha, egasi mushukchaning kir kiyimlar savatchasida uxlab qolganini va uni bilmasdan kir yuvish mashinasiga solib yuborganini sezmagan. Lekin biroz vaqt o‘tgach, Poppi yo‘qligini sezgan. Yarim soatdan so‘ng, kiyimni siqish tugmasini bosishdan sal oldin mushukchani ko‘rib qolgan.

    Poppi veterinar klinikaga olib kelingan. Shifokorlar uning boshi jarohatlangani va ko‘zlari lat yegani, harorati tushib ketgani va o‘pkasiga suv kirganini aniqlagan. Oradan uch hafta o‘tib, mushukcha to‘liq sog‘ayib ketgan.

    » » Yarim soat kir yuvish mashinasida qolib ketgan mushuk tirik qoldi