Parijdagi Notr-Dam-de-Pari – Muqaddas ona ibodatxonasidagi yong‘in o‘chirildi. Bu haqda o‘t o‘chiruvchilar vakili, podpolkovnik Gabriel Plyus ma’lum qildi.
Plyusning ta’kidlashicha, o‘t o‘chiruvchilar yana yong‘in chiqmasligi uchun qolib ketgan yong‘in o‘choqlari va issiq konstruksiyalarni sovitishni davom ettirmoqdalar.
Yong‘in chiqishiga ibodatxonadagi restavratsiya ishlari sabab bo‘lgan bo‘lishi mumkin. Bino atrofida 100 metrlik havozalar o‘rnatilgan bo‘lgan. Restavratsiya ishlari bosh arxitektori Filipp Vilnevning aytishicha, yong‘in vaqtida binoda ishchilar bo‘lmagan.
Foto: AFP 2019 / Geoffroy Van Der Hasselt
Ibodatxonadagi yong‘in 15 aprel soat 18:30da boshlangan. Olov bino tomining uchdan 2 qismini, shpili va soatini yo‘q qilgan. Mutaxassislarning baholashicha, binoning restavratsiyasi 5 yildan bir necha o‘nlab yillargacha cho‘zilishi mumkin.
Fransiya prezidenti Emmanyuel Makron BFM telekanalida jonli efirda fransiyaliklarga ibodatxona tiklanishiga va’da bergan.
“Biz cherkovni tiklaymiz. Barchamiz birgalikda. Ertangi kundan cherkovni tiklash uchun ham Fransiyada, ham xorijda mablag‘lar yig‘ila boshlanadi”, deb aytgan Makron.
Foto: EPA-EFE/PHILIPPE WOJAZER / POOL
Fransiya prezidentining ta’kidlashicha, tiklash ishlariga “eng yaxshi iste’dodlar” jalb qilinadi. U bo‘lib o‘tgan voqealarni “dahshatli fojia” deb atagan va o‘t o‘chiruvchilarga minnatdorlik bildirgan.
“Notr-Dam bizning tarix, adabiyot, tasavvurimizdir. Biz eng muhim voqealar – epidemiyalar, urushlar, ozodligimizni boshdan kechirgan joy. U hayotimizning markazidir”, deb qo‘shimcha qilgan Makron. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Damas uchun onlayn kontraktatsiya ochiladi
Germaniyaning Knauf kompaniyasi Rossiyadan butunlay chiqib ketishini tasdiqladi
Futzal. Osiyo Kubogi. Tojikiston Yaponiyani guruhda qoldirdi
Shveysariya prezidenti Putinga maktub yo‘lladi
HAMAS yetakchisi: Isroil Rafahga kirsa, Falastin xalqi oq bayroqni ko‘tarmaydi
Zohida Umarova nima sababdan o‘g‘li va kelini bilan birga yashamasligini aytdi
Olimlar o‘quvchilarning familiyasidagi bosh harf ularning bahosiga ta’sir qilishini aniqladi
AQSHning Suriyadagi harbiy bazasiga raketalar hujum qildi