10:13 / 18.04.2019
3 475

Tojikistonda Rossiyaga pul topgani ketgan harbiy xizmatga chaqiriluvchilarning ota-onalari ushlanmoqda

Tojikistonda Rossiyaga pul topgani ketgan harbiy xizmatga chaqiriluvchilarning ota-onalari ushlanmoqda
Tojikistonning Chorxuk qishlog‘ida respublikaning davlat milliy xavfsizlik qo‘mitasi xodimlari bahorgi harbiy xizmatga chaqiriq vaqtida Rossiyada ishlab yurgan chaqiriluvchilarning ota-onalarini ushlashdi.

Mutasaddi idoralar bu ota-onalardan farzandlarini Tojikistonga tezda qaytarishni talab qilishgan. Bu haqda “Axbor” nashri xabar berdi. Ta’kidlanishicha, chaqiruv yoshidagi yigitlarning yashash joylari bo‘yicha reydlar avval ham o‘tkazilgan, biroq ish ularning ota-onalari ushlanishigacha hali bormagandi.

12 aprelda Tojikiston islom markazi ulamolari harbiy xizmatdan bo‘yin tovlash og‘ir gunoh ekanligi haqida bayonot bilan chiqishgan. Ulamolar harbiy xizmatdan bo‘yin tovlashda farzandlariga yordam beruvchi ota-onalar ham gunohga botishlaridan ogohlantirishgan.

Tojikiston qurolli kuchlariga bahorgi chaqiruv 1 apreldan 31 maygacha davom etadi. Bu vaqtda armiyaga 18 yoshdan 27 yoshgacha bo‘lgan 15 ming yigit chaqiriladi.

Dasturlash foundation


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Dunyo » Tojikistonda Rossiyaga pul topgani ketgan harbiy xizmatga chaqiriluvchilarning ota-onalari ushlanmoqda