07:12 / 25.04.2019
2 716

Xitoyda Interpolning sobiq rahbarini hibsga olishga qaror qilindi

Xitoyda Interpolning sobiq rahbarini hibsga olishga qaror qilindi
Xitoy oliy xalq prokuraturasi Interpolning sobiq rahbari, Xitoy jamoat xavfsizligi vazirining sobiq o‘rinbosari Men Xunveyni poraxo‘rlik gumoni bilan hibsga olishga qaror qildi.

“Nazorat bo‘yicha davlat qo‘mitasi tergov yakunlangandan so‘ng poraxo‘rlikda gumon qilinayotgan Men Xunvey ishi materiallarini prokuratura idoralariga ko‘rib chiqish uchun topshirdi”, deyilgan xabarda.

Ta’kidlanishicha, prokuratura Men Xunveyni hibsga olishga qaror qilgan, tergov davom etmoqda.

2018 yil oktyabrda Fransiya mutasaddi idoralari Xitoyga sentyabrda jo‘nagan Interpol prezidentining yo‘qolishi bo‘yicha tergov boshlagan.

Men Fransiyani 29 sentyabrda tark etgani va shundan keyin aloqaga chiqmagani ma’lum qilingan. Uning yo‘qolgani haqida Interpolning bosh qarorgohi joylashgan Lionda farzandlari bilan birga yashovchi rafiqasi xabar qilgan.

Keyinroq Xitoy Men qonunni buzganlikda gumon qilinayotgani va nazorat bo‘yicha davlat qo‘mitasi unga nisbatan tergov o‘tkazayotganini ma’lum qilgan. Shundan bir necha soat keyin Interpol Men prezident vakolatlarini topshirishni so‘raganini ma’lum qilgan. Fransiya idoralari noyabrda Menning yo‘qolishi bo‘yicha ishni yopgan.

Dasturlash foundation


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Dunyo » Xitoyda Interpolning sobiq rahbarini hibsga olishga qaror qilindi