Turkiyada davlat to‘ntarishiga aloqadorlikda gumon qilingan 176 nafar harbiy hibsga olindi

Turkiya hukumati 3 yil muqaddam davlat to‘ntarishi sodir etilishida aloqador deb gumon qilingan 176 nafar harbiyni hibsga olishni buyurdi. Bu haqida seshanba kuni Istanbul prokuraturasi e’lon qildi deya xabar beradi Azon.uz.

Tarjumon.uz'ning xabar qilishicha, hibsga olinganlarning orasida polkovnik, ikki podpolkovnik, besh nafar mutaxassis, yetti nafar qo‘mondon va 100 nafar armiya qo‘mondoni hamda havo kuchlari va dengiz floti harbiylari bo‘lgan.

Anqaraga ko‘ra, 2016 yil 15 iyulda amerikaparast diniy rahnamo Fathulloh Gulen mavjud tuzumga qarshi qo‘zg‘olon ko‘targan. Biroq uning o‘zi barcha ayblovlarni inkor etgan.

Darhaqiqat, uch yil mobaynida davlat to‘ntarishi urinishida 77 mingdan ziyod odam hal qiluvchi sud jarayonida ishi qayta ko‘rib chiqilishi sharti bilan qamoqqa olindi va 150 mingga yaqin davlat xizmatchilari, harbiylar va boshqalar ishdan chetlatildi.

Turkiyaning G‘arbdagi ittifoqchilari va huquq himoyachilari Prezident Rajab Toyyib Erdog‘anning muxolifatni yo‘q qilish uchun shafqatsiz to‘ntarishni qo‘llaganlikda aybladilar.

Anqara Turkiyaning xavfsizligiga tahdid soladigan Gulenning tarmog‘iga batamom barham bermoqda. “Zamin” yangiliklarini “Facebook”da kuzatib boring