Foto: «RIA Novosti»
Rossiyaliklar 2019 yilning ikkinchi kvartalida maoshining 38,9 foizini ovqatga sarfladi. Bu haqda Sberbank tomonidan har kvartalda o‘tkaziladigan so‘rovnomada ma’lum qilingan.
Bank tomonidan bildirilishicha, ovqatlanish uchun xarajatlarning oshishiga sabab yuqori inflyatsiya va aholi daromadining tushishi bilan bog‘liq. Rossiya statistika qo‘mitasi 2019 yilning birinchi yarmida inflyatsiya darajasi 5,9 foizni tashkil etganini ma’lum qilgan edi. Yilning birinchi yarmida rossiyaliklarning real daromadi 2,3 foizga tushib ketgan va yilning ikkinchi yarmida tushishda davom etishi aytilmoqda.
Rossiyaliklarning daromadi ovqatdan so‘ng kommunal to‘lovlar (15,4 foiz), kiyim-kechak (10 foiz), sog‘liqni saqlash (7,1) foiz va kreditlarni uzish (6,6) uchun sarflanmoqda. Alfa-bank iqtisodchisi Nataliya Orlova tomonidan ta’kidlanishicha, ovqatlanish xarajatlarining oshishi — aholining qashshoqlashishi va o‘rta tabaqa vakillarining kamayib borayotgani belgisidir. Sberbank tomonidan ma’lum qilinishicha, aholining 43 foizida hech qanday jamg‘arma yo‘q va shu bilan birgalikda rossiyaliklarning qarzdorligi oshib boryapti.
Qarzdorlikning o‘rtacha ko‘rsatkichi 10 foizga oshgan va 260 ming rublga yetgan. Ma’lum qilinishicha, iqtisodiy jihatdan boy davlatlarda aholining 20 foiz daromadi ovqatlanishga sarflanadi. Kambag‘al davlatlarda esa 50 foiz va undan yuqori hisoblanadi. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ukraina askarlari Zelenskiyning bayonotiga kutilmagan munosabat bildirishdi
Xitoy TIV: AQSH dunyodagi eng yirik dezinformatsiya manbai
Permdagi saylov uchastkasida portlash yuz berdi
103 yoshli italiyalik ayol haydovchi jarimaga tortildi
Isroilda minglab odamlar garovga olinganlarni ozod qilishni talab qildi
Qirg‘iziston prezidenti masjidda namoz o‘qib, iftorlik berdi
Toshkentdagi 11 ta bozorda arzonlashtirilgan savdo yarmarkalari tashkil qilindi
Kirg‘iz Respublikasida 45 ming muxlisga mo‘ljallangan stadion quriladi