Germaniyalik motion-dizayner «neyroset» yordamida Putin va Trampni birlashtirdi (video)

  • 14 iyul 2019, 16:27
  • 837
  • Dunyo
  • Germaniyalik motion-dizayner «neyroset» yordamida Putin va Trampni birlashtirdi (video)
    Motion-dizayner va 3D rassom Aleksandr Kurt sun’iy neyron tarmoqlari yordamida Putin va Trampni bitta odamda birlashtirdi. Bu haqda Tjournal'ga tayanib Daryo xabar qildi.

    Buning uchun u DeepFaceLab dasturidan foydalangan va Adobe After Effects yordamida post-progressingni amalga oshirgan. Natijada «Janob Tramputin» paydo bo‘ldi.

    «Natija juda ham realistik chiqdi. Videoda boshqa ko‘pgina «dipfeyk»lar singari hech qanday aniq artefaktlar yo‘q», — deyiladi xabarda.

    Algoritmni tayyorlash uchun Kurt 240 ming «neyroset» davrini o‘tkazdi, ya’ni sun’iy neyron tarmog‘i bir ma’lumot to‘plamini 240 ming marta o‘rgangan.

    Dizayner video uchun asos qilib, Trampning nutqidan iborat 26 soniyali matnni ishlatdi va u yerda Yevropa Ittifoqining AQShga nisbatan qo‘pol munosabati haqida gapirdi. Kurt, videoni siyosiy bayonot uchun emas, balki eksperiment sifatida tasvirlab berdi.

    Kurtning sun’iy neyron tarmoqlari orqali yaratgan yuqori sifatli videosi yagona emas. Buning uchun u Tiefenschwindel nomli alohida loyihasini boshladi.

    «Ijtimoiy tarmoq» filmida Jesse Ayzenbergga Mark Sukerbergning «yuzini qo‘yish»i va Leonardo Di Kaprioning «yosharishi»ni uning ishlariga misol qilish mumkin.

    » » Germaniyalik motion-dizayner «neyroset» yordamida Putin va Trampni birlashtirdi (video)