Mast holdagi hindistonlik erkak o‘zini chaqqan ilonni g‘ajib tashladi

  • 30 iyul 2019, 21:43
  • 1 433
  • Dunyo
  • Mast holdagi hindistonlik erkak o‘zini chaqqan ilonni g‘ajib tashladi
    Foto: Getty Images
    Hindistonda yashovchi Raj Kumar ismli erkak spirtli ichimlik ta’sirida o‘zini chaqqan suvilonni g‘ajib tashladi, deb xabar berdi «Daryo».

    Oradan biroz vaqt o‘tgach erkak og‘ir ahvolda kasalxonaga yotqizilgan. Uning ahvoli nima sababdan yomonlashgani noma’lum.
    «Ilon uni chaqib olgan. Bunga javoban u ilonni bo‘laklarga bo‘lib tashlagan», — deydi jabrlanuvchining otasi.

    Guvohlarning qayd etishicha, hindistonlik erkakning og‘ir ahvolga tushishida ilonning aybi yo‘q, chunki u suviloni bo‘lgan.
    Kumarni ko‘zdan kechirgan shifokor holatdan hayratga tushgan va uni «juda g‘alati» deb atagan.

    «Men ilon chaqqan insonlarni ko‘p ko‘rganman. Biroq ilonni tishlab, bo‘laklarga bo‘lib olib kelgan insonni birinchi marta ko‘rishim», — deydi u.

    » » Mast holdagi hindistonlik erkak o‘zini chaqqan ilonni g‘ajib tashladi