O‘zbekiston vakillari Saudiya Arabistoni podshohi qabulida bo‘ldi

  • 14 avgust 2019, 12:44
  • 555
  • Dunyo
  • O‘zbekiston vakillari Saudiya Arabistoni podshohi qabulida bo‘ldi
    Foto: Din ishlari bo‘yicha qo‘mita
    Saudiya Arabistoni podshohi Salmon bin Abdulaziz ikki muqaddas masjid mehmonlari, hukumat amaldorlari, delegatsiya rahbarlari va ziyoratchilarga xizmat ko‘rsatadigan idora rahbarlari uchun qabul marosimini o‘tkazdi.

    Mazkur tadbirda Din ishlari bo‘yicha qo‘mita raisi, “Haj-2019” ishchi guruhi rahbari Jasur Akramov, O‘zbekistonning Saudiyadagi elchisi U.Maqsudov hamda qirol mehmoni sifatida N.Nodirov ishtirok etdi.

    Tadbir Qur’oni karim tilovati bilan boshlandi.

    Salmon bin Abdulaziz nutq so‘zlab, jumladan, shunday dedi:
    —Xudo Saudiya Arabistoni podshohligini Ikki muqaddas masjidga va Rahmon mehmonlari — hojilarga xizmat qilish bilan sharafladi, bu biz uchun g‘ururdir. Qirol Abdulaziz davridan boshlab, to bugungacha dunyo musulmonlari Haj ibodatini qulay sharoitlarda, mukammal ado etishlari uchun barcha kuch g‘ayratimizni sarflayapmiz. Allohdan amallaringizni qabul bo‘lishini, eson-omon o‘z yurtingizga yetib olishingizni so‘rayman.

    Shuningdek, tadbirda Haj va Umra vaziri doktor Muhammad Solih so‘zga chiqib, ziyoratchilar va butun dunyo musulmonlarini Qurbon hayiti bilan tabrikladi.

    U o‘z nutqida dunyoning 130 dan ortiq mamlakatidan kelgan 170 dan oshiq millat va elat vakillaridan iborat 3 millionga yaqin inson Arafotda hozir bo‘lganini, ularning uchdan bir qismi 70 yoshdan oshgan qariyalar ekanini aytib o‘tdi.

    Tadbirda shahzoda Muhammad bin Salmon nazorati ostida hojilarning haj amallarini bajarish va xavfsizligini ta’minlash masalasi podshohlikning doimiy e’tiborida ekani ta’kidlandi.

    » » O‘zbekiston vakillari Saudiya Arabistoni podshohi qabulida bo‘ldi